श्री गणेश व्यायाम शाळा पुरस्कृत सत्यम सेवा मंडळातर्फे आयोजित तृतीय श्रेणी जिल्हा कबड्डी स्पध्रेत साईकृष्ण मित्र मंडळाने ४४-२२ अशा फरकाने आंबेवाडी क्रीडा मंडळाचे आव्हान सहज परतवले. सागर चव्हाणच्या उत्कृष्ट पकडीमुळे साईकृष्ण संघाने हा विजय मिळवला. अमर प्रतिष्ठान संघाने विशाल चव्हाणच्या खोलवर चढाई आणि सुरज घाडगेच्या पकडींच्या जोरावर श्री लक्ष्मीमाता संघाचा ३३-१४ असा पराभव केला. अमित पालकर व सुशांत देसाईच्या खेळाच्या जोरावर ज्ञानप्रकाश क्रीडा मंडळाने ४१-३२ अशा फरकाने सिद्धीप्रभा फाऊंडेशनचा पराभव केला.