england vs india women 3nd odi match prediction zws 70 | Loksatta

भारत-इंग्लंड एकदिवसीय मालिका : झुलन निरोपासाठी सज्ज! ; आज इंग्लंडविरुद्ध तिसऱ्या सामन्यात निर्भेळ यशाची भेट देण्याचे भारताचे लक्ष्य

इंग्लंडविरुद्ध तीन सामन्यांच्या एकदिवसीय मालिकेत निर्भेळ यश संपादन करीत झुलनला संस्मरणीय निरोप देण्याचा भारतीय संघाचा प्रयत्न असेल.

भारत-इंग्लंड एकदिवसीय मालिका : झुलन निरोपासाठी सज्ज! ; आज इंग्लंडविरुद्ध तिसऱ्या सामन्यात निर्भेळ यशाची भेट देण्याचे भारताचे लक्ष्य
गोलंदाज झुलन गोस्वामी

लंडन : महिला क्रिकेटमधील सर्वकालीन सर्वोत्तम खेळाडूंपैकी एक आणि नामांकित वेगवान गोलंदाज झुलन गोस्वामी शनिवारी ऐतिहासिक लॉर्ड्स मैदानावर आपल्या कारकीर्दीतील अखेरचा सामना खेळण्यासाठी मैदानात उतरेल. त्यावेळी इंग्लंडविरुद्ध तीन सामन्यांच्या एकदिवसीय मालिकेत निर्भेळ यश संपादन करीत झुलनला संस्मरणीय निरोप देण्याचा भारतीय संघाचा प्रयत्न असेल.

लॉर्ड्सवर खेळणे हे प्रत्येक क्रिकेटपटूचे स्वप्न असते, तसेच या मैदानावर शतक किंवा पाच गडी बाद करणे हे मोठे यश मानले जाते. फार कमी खेळाडूंना या ऐतिहासिक मैदानावर आपल्या कारकीर्दीचा अखेरचा सामना खेळण्याची संधी मिळते. सुनील गावस्कर (आपला अखेरचा प्रथम श्रेणी सामना या मैदानावर खेळला होते), सचिन तेंडुलकर, ब्रायन लारा किंवा ग्लेन मॅकग्रा यांसारख्या खेळाडूंनाही लॉर्ड्सवर अखेरचा सामना खेळता आला नाही. मात्र, झुलनला या मैदानावर अखेरचा सामना खेळण्याची संधी मिळणार आहे.

भारताने मालिकेत यापूर्वीच २-० अशी विजयी आघाडी मिळवली आहे. मात्र, हरमनप्रीत कौरच्या नेतृत्वाखालील भारतीय संघ निर्भेळ यश संपादन करण्याचा प्रयत्न करेल. भारताने पहिल्या दोन्ही सामन्यांत सर्व विभागांत चांगली कामगिरी केली आणि आपली हीच लय कायम ठेवण्यासाठी भारताच्या खेळाडू उत्सुक आहेत. कर्णधार हरमनप्रीतने पहिल्या दोन सामन्यांत अनुक्रमे नाबाद ७४ आणि नाबाद १४३ धावांच्या खेळी केल्या. तिच्यासह स्मृती मानधनावर भारताच्या फलंदाजीची भिस्त आहे. सलामीवीर शफाली वर्माच्या कामगिरीची भारताला चिंता आहे. हरलीन देओलने मधल्या फळीत उत्तम कामगिरी केली आहे. गोलंदाजीत झुलनवर सर्वाचे लक्ष असेल. तिच्या निवृत्तीनंतर वेगवान गोलंदाज मेघना सिंह, रेणुका ठाकूर आणि पूजा वस्त्रकार यांना आपला खेळ आणखी उंचवावा लागेल.

* वेळ : दुपारी ३.३० वा. * थेट प्रक्षेपण : सोनी सिक्स

विश्वचषक जिंकता न आल्याचे शल्य -झुलन

लंडन : एकदिवसीय विश्वचषक क्रिकेट स्पर्धा जिंकता न येणे हे माझ्या दोन दशकांच्या आंतरराष्ट्रीय कारकीर्दीतील एकमेव शल्य असल्याचे विधान भारताची वेगवान गोलंदाज झुलन गोस्वामीने शुक्रवारी केले.

शनिवारी लॉर्ड्सवर होणाऱ्या इंग्लंडविरुद्धच्या तिसऱ्या एकदिवसीय सामन्यानंतर ३९ वर्षीय झुलन आंतरराष्ट्रीय क्रिकेटमधून निवृत्त होणार आहे. मी आज जे काही आहे, ते केवळ क्रिकेटमुळेच आहे. मात्र, मी विश्वचषक जिंकले असते, तर अधिक आनंद झाला असता, असे झुलन म्हणाली. झुलनचा समावेश असलेल्या भारतीय महिला संघाने २००५ आणि २०१७च्या एकदिवसीय विश्वचषकाचे उपविजेतेपद मिळवले होते. मात्र, भारताला अजून एकदाही जेतेपदावर मोहोर उमटवता आलेली नाही.

‘‘मला दोन विश्वचषकांमध्ये अंतिम सामना खेळण्याची संधी मिळाली, पण आम्हाला चषकाने हुलकावणी दिली. विश्वचषक न जिंकणे, हे माझ्या कारकीर्दीतील एकमेव शल्य आहे. विश्वचषकासाठी तुम्ही चार वर्षे तयारी करता, खूप मेहनत घेता. विश्वचषक जिंकणे हे प्रत्येक क्रिकेटपटूचे स्वप्न असते. मात्र, माझे हे स्वप्न पूर्ण होऊ शकले नाही,’’ असे झुलनने कारकीर्दीतील अखेरच्या सामन्याच्या पूर्वसंध्येला सांगितले.

‘‘माझ्या कारकीर्दीची सुरुवात झाली, त्यावेळी मी इतका दीर्घ काळ खेळू शकेन असा विचारही केला नव्हता. सामान्य घरातून आणि चकदासारख्या (पश्चिम बंगालमधील नादिया जिल्ह्यात) लहान शहरातून असल्याने मला महिला क्रिकेटविषयी काहीच माहिती नव्हती. मला क्रिकेट खेळण्याची संधी मिळाली, हे माझे भाग्य होते,’’ असेही झुलन म्हणाली.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
दिलीप तिर्की ‘हॉकी इंडिया’च्या अध्यक्षपदी ; प्रथमच एखादा खेळाडू संघटनेच्या प्रमुख पदावर

संबंधित बातम्या

FIFA World Cup 2022: ब्राझीलला हरवून कॅमेरूनने रचला इतिहास, तर स्वित्झर्लंड प्री-क्वार्टर फायनलमध्ये दाखल
Video: तू गल्ली क्रिकेट…; ऋषभ पंतने हर्षा भोगलेंना दिलेलं ‘ते’ उत्तर ऐकून नेटकरी भडकले, पाहा ट्वीट्स
IPL 2023: ‘टॅक्टिकल सबस्टिट्युशन म्हणजे काय रे भाऊ?’ आयपीएलच्या १५व्या हंगामापासून सुरु होणार नवीन नियम
धोनीनंतर चेन्नई सुपर किंग्सचा उत्तराधिकारी कोण असू शकतो? यावर सीएसकेच्या प्रशिक्षकांनी केला खुलासा
समलैंगिक साथीदारासोबत अ‍ॅथलीट द्युती चंदचा विवाह? सोशल मीडियावर ‘तो’ फोटो व्हायरल!

व्हिडिओ

ताज्या बातम्या
करोना, मेट्रो सेवा, कार्यालय स्थलांतराचा फटका; पश्चिम रेल्वेवरील प्रवाशांच्या संख्येत नऊ लाखांनी घट
विश्लेषण : रितेश-जिनीलियाच्या कंपनीची होणार चौकशी; मविआ सरकारदरम्यान लागले गैरव्यवहाराचे आरोप, नेमकं प्रकरण काय?
खळबळजनक! पिस्तुलातून गोळ्या झाडत कोयत्याने केले वार, पिंपरीत सिनेस्टाईल भर चौकात एकाचा खून
FIFA World Cup 2022: ब्राझीलला हरवून कॅमेरूनने रचला इतिहास, तर स्वित्झर्लंड प्री-क्वार्टर फायनलमध्ये दाखल
“तुम्ही जन्मत:च हिंस्र विकृत आहात की…” सुमीत राघवनला नेटकऱ्याचा प्रश्न; अभिनेत्याच्या आरे कारशेडवरील ‘त्या’ वादग्रस्त ट्वीटनंतर रंगले ट्विटर वॉर