आशाएँ ! क्रोएशिया (अ-गट)

बलस्थाने आणि कच्चे दुवे
भक्कम बचाव, मजबूत मधली फळी, पासिंगचा सुरेख खेळ आणि आक्रमण करण्यात पटाईत, ही क्रोएशियाची बलस्थाने आहेत. माजी कर्णधार निको कोव्हाक यांच्याकडेच प्रशिक्षकपदाची सूत्रे दिल्यामुळे क्रोएशियाला प्रशिक्षकपदाचा अनुभव कमी पडणार आहे. आइसलँडविरुद्धच्या प्ले-ऑफ फेरीत मांझुकिकला लाल कार्ड दाखवण्यात आल्यामुळे त्याचा विश्वचषकातील सहभाग कमी असणार आहे. बंदीमुळे पहिल्या दोन सामन्यांत मांझुकिक खेळणार नसल्याचा फटका क्रोएशियाला बसू शकतो.
अपेक्षित कामगिरी
क्रोएशियाची तुलना आंतरराष्ट्रीय स्तरावरील बडय़ा संघांशी केली जाते. संघात अफाट गुणवत्ता असल्यामुळे ते कोणत्याही संघाला पराभूत करू शकतात. ब्राझीलविरुद्धचा अ-गटातील पहिलाच सामना ते गमावतील, अशी शक्यता आहे. पण त्यानंतर क्रोएशिया संघ मेक्सिको आणि कॅमेरूनवर विजय साकारेल, असा अंदाज वर्तवला जात आहे. ब्राझील संघ गटात अव्वल स्थान पटकावणार यात कोणतीच शंका नाही. त्यामुळे दुसऱ्या क्रमांकासाठी क्रोएशियाची लढत मेक्सिको आणि कॅमेरूनशी असणार आहे. बाद फेरीत स्थान मिळवायचे असल्यास क्रोएशियाला मेक्सिकोसारख्या संघाला पराभूत करावे लागणार आहे. साखळी फेरीचा अडथळा पार केला तरी क्रोएशिया अंतिम १६ जणांमध्ये स्थान मिळवणे कठीण आहे. कारण बाद फेरीत त्यांना स्पेन आणि नेदरलँड्स या गतवेळच्या अंतिम फेरीत मजल मारणाऱ्या संघांशी दोन हात करावे लागणार आहेत.
*  फिफा क्रमवारीतील स्थान : २०
विश्वचषकातील कामगिरी
*  सहभाग : ४ वेळा (२०१४सह)
*  जेतेपद : अद्याप नाही
*  तिसरे स्थान : १९९८
संघ
*  गोलरक्षक : स्टिपे प्लेटिकोसा, डॅनियल सुबासिक. बचावफळी : दारिजो सरना, वेदरान कोरलुका, इव्हान स्ट्रिनिक, देजान लोवरेन, दोमागोज विदा, गॉडन स्किडेनफेल्ड, सिमे वसॉल्जको, होर्वे मिलिक. मधली फळी : लुका मॉड्रिक, इव्हान राकिटिक, ऑर्गनजेन वुकोजेविक, डॅनिजेल प्राजिनिक, इव्हान पेरिसिक, मटेओ कोवाकिक, मटे मालेस. आघाडीवीर : इव्हिका ऑलिक, एड्वाडरे, मारियो मांझुकिक, निकिका जेवालिक, आन्ते रेबिक.
*  स्टार खेळाडू : मारियो मांझुकिक, लुका मॉड्रिक, दारिजो सरना, इव्हान राकिटिक, इव्हिका ऑलिक, एड्वाडरे
*  व्यूहरचना : ४-३-३

*  मुख्य प्रशिक्षक : निको कोव्हाक