नैरोबी : जागतिक युवा अजिंक्यपद अॅथलेटिक्स स्पर्धेत (२० वर्षांखालील) गुरुवारी रोहन कांबळेच्या कामगिरीने भारतीय चाहत्यांना दिलासा दिला. रोहनने पुरुषांच्या ४ बाय ४०० मीटर अडथळ्यांच्या शर्यतीत उपांत्य फेरी गाठून पदकाच्या आशा कायम राखल्या आहेत. रोहनने ५५.०० सेकंद अशी वेळ नोंदवताना पाचव्या फेरीत चौथे स्थान मिळवले. हरदीप कुमारने १:१२.८० मिनिट वेळ नोंदवल्यामुळे तो उपांत्य फेरीत प्रवेश करण्यात अपयशी ठरला. ८०० मीटर धावण्याच्या शर्यतीत अनू कुमारला (१:५०.२६ मि.) पाचव्या स्थानी समाधान मानावे लागल्याने त्याची उपांत्य फेरीची संधी हुकली. थाळीफेकीत अमनदीप सिंगची थेट १२व्या स्थानी घसरण झाली.
