Video : रविंद्र जाडेजाने खेचलेला ‘हा’ भन्नाट षटकार पहाच

सामन्यात रविंद्र जाडेजाने ७६ चेंडूत नाबाद ६० धावा केल्या. त्याने ६ चौकार आणि २ षटकार खेचत बांगलादेशच्या गोलंदाजांचे कंबरडे मोडले. त्यातील जाडेजाच्या एका षटकाराची चांगलीच चर्चा रंगली. मेहिदी हसन मिराजच्या गोलंदाजीवर जाडेजाने उत्तुंग षटकार खेचला. त्याने पुढे येऊन षटकार मारला आणि चेंडू थेट प्रेक्षकांच्यात जाऊन पडला.

पहा व्हिडीओ –

त्याआधी, बांगलादेशच्या पहिल्या डावात शदमन इस्लाम, इमरूल कयास आणि मोहम्मद मिथून हे तिघेही स्वस्तात बाद झाले. पण दुसऱ्या सत्रात बांगलादेशकडून चांगली झुंज पहायला मिळाली. कर्णधार मोमिनुल हक आणि अनुभवी मुश्फिकूर रहीम या दोघांनी चौथ्या विकेटसाठी ६८ धावांची भागीदीरी केली. अखेर फिरकीपटू रविचंद्रन अश्विन याने ही जोडी फोडली. मोमिनुलने चेंडू न खेळण्याचा निर्णय घेतला पण चेंडू थेट स्टंपवर जाऊन आदळला. त्यामुळे ८ चौकारांसह ८० चेंडूत ३७ धावा करून मोमिनुल बाद झाला. मोमिनुलने ८ चौकारांसह ८० चेंडूत ३७ धावा केल्या. त्यानंतर अनुभवी मुश्फिकूर रहीम शमीच्या गोलंदाजीवर त्रिफळाचीत झाला. त्याने १०५ चेंडूत ४३ धावा केल्या, पण बाकी फलंदाजांना खेळपट्टीवर दीर्घ काळ तग धरता आलं नाही. लिटन दासने २१ धावा करत झुंज देण्याचा प्रयत्न केला. मात्र तरीही बांगलादेशचा डाव १५० धावांत आटोपला.