IND vs ENG: विषय गंभीर तिथे रूट खंबीर! अशी कामगिरी करणारा ठरला जगातील पहिलाच फलंदाज

हे शतक जो रूटसाठी अतिशय खास ठरलं आहे. कारण या शतकी खेळीसह त्याने मायदेशात फलंदाजी करताना सर्वाधिक शतकं झळकावण्याचा विक्रम आपल्या नावावर केला आहे. त्याने या विक्रमात महेला जयवर्धने, रिकी पाँटींग आणि जॅक कॅलिस यांना मागे टाकलं आहे. या तिघांनी मायदेशात फलंदाजी करताना प्रत्येकी २३ शतकं झळकावली आहेत. आता जो रूट एक पाऊल पुढे निघाला आहे. जो रूटने २४ शतकांचा पल्ला गाठला आहे. यासह तो मायदेशात खेळताना सर्वाधिक शतकं झळकावणारा फलंदाज ठरला आहे. या शतकासह त्याने ३ दिग्गज खेळाडूंना मागे टाकलं आहे.

यासह रूटने कसोटी क्रिकेटमध्ये सर्वाधिक शतकं झळकावणाऱ्या फलंदाजांच्या यादीत कुमार संगकाराला मागे टाकलं आहे. कसोटी क्रिकेटमध्ये सर्वाधिक शतकं झळकावणाऱ्या फलंदाजांच्या यादीत तो चौथ्या स्थानी पोहोचला आहे. या यादीत कुमार संगकारा पाचव्या स्थानी पोहोचला आहे. कुमार संगकाराच्या नावे कसोटी क्रिकेटमध्ये ३८ शतकं झळकावण्याची नोंद आहे. आता रूटच्या नावे ३९ शतकं झळकावण्याची नोंद आहे. कसोटी क्रिकेटमध्ये सर्वाधिक शतकं झळकावणाऱ्या फलंदाजांच्या यादीत सचिन तेंडुलकर अव्वल स्थानी आहे. सचिनने ५१ शतकं झळकावली आहेत. तर दुसऱ्या स्थानी असलेल्या जॅक कॅलिसने ४५ आणि रिकी पाँटींगने ४१ शतकं झळकावली आहेत.

इंग्लंडला विजयासाठी ३५ धावांची गरज

भारतीय संघाने इंग्लंडसमोर विजयासाठी ३७४ धावांचे आव्हान ठेवले होते. या धावांचा पाठलाग करताना इंग्लंडकडून जॅक क्रॉली आणि बेन डकेट यांनी दमदार अर्धशतकी भागीदारी केली. जॅक क्रॉलीने १४ आणि बेन डकेटने ५४ धावांची खेळी केली. तर ओली पोपने २७ धावांची खेळी केली. जो रूटने १०५ धावा केल्या. तर हॅरी ब्रुकने १११ धावांची खेळी केली. इंग्लंडने चौथ्या दिवसाअखेर ६ गडी बाद ३३९ धावा केल्या आहेत. पाचव्या दिवशी फलंदाजी करताना भारतीय संघाला ४ गडी बाद करायचे आहेत. तर इंग्लंडला विजयासाठी आणखी ३५ धावांची गरज आहे.