Ind vs WI : ब्रायन लाराला मागे टाकत विराट कोहलीने सावरला टीम इंडियाचा डाव

विराटची ७६ धावांची खेळी

अँटीग्वा कसोटीत बाजी मारल्यानंतर, जमैका कसोटीवरही भारतीय संघाने आपली पकड मजबूत बसवली आहे. पहिल्या दिवसाच्या अखेरीस भारताने ५ गड्यांच्या मोबदल्यात २६४ धावांपर्यंत मजल मारली आहे. कर्णधार विराट कोहली आणि मयांक अग्रवाल यांनी अर्धशतकी खेळी करत भारतीय डावाला आकार दिला. विराट कोहलीने १६३ चेंडूत ७६ धावांची खेळी केली. त्याच्या या खेळीत १० चौकारांचा समावेश होता. या खेळीसोबत विराट कोहलीने ब्रायन लाराला मागे टाकलं आहे.

कसोटी क्रिकेटमध्ये कर्णधार या नात्याने ७५ किंवा त्यापेक्षा अधिक धावा करणाऱ्या फलंदाजांच्या यादीत विराट आता चौथ्या स्थानावर पोहचला आहे. विराटची ही २४ वी अर्धशतकी खेळी ठरली.

पहिल्या दिवसाअखेरीस हनुमा विहारी ४२ धावांवर तर ऋषभ पंत २७ धावांवर खेळत होता.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ind vs wi with help of virat kohlis half century india in commendable position in second test gets pass brian lara to create unique record psd