IND vs PAK, World Cup 2023: शुबमन गिलनंतर आणखी एका भारतीय दिग्गजाला डेंग्यूची लागण, पाकिस्तानविरुद्धच्या सामन्यातून झाला बाहेरIndian commentator Harsha Bhogle was ruled out of the India vs Pakistan match due to dengue in World Cup 2023

IND vs PAK World Cup 2023: एकदिवसीय विश्वचषकाच्या अगदी सुरुवातीलाच भारताला शुबमन गिलच्या रूपाने मोठा धक्का बसला. डेंग्यूमुळे गिल आतापर्यंतचे पहिले दोन सामने खेळू शकले नाहीत. आणखी एका भारतीय दिग्गजाला डेंग्यची लागण झाली आहे.

शुबमन गिलनंतर आणखी एका भारतीय दिग्गजाला डेंग्यूची लागण (सौजन्य- ट्विटर)

Harsha Bhogle infected with dengue: एकदिवसीय विश्वचषक २०२३ मध्ये टीम इंडियाची सुरुवात दमदार झाली आहे. टीम इंडियाने आपल्या पहिल्या सामन्यात ऑस्ट्रेलियाचा आणि दुसऱ्यात सामन्यात अफगाणिस्तान संघाचा धुव्वा उडवला. आता टीम इंडियाचा तिसरा सामना पाकिस्तानविरुद्ध होणार आहे. हा सामना शनिवारी नरेंद्र मोदी स्टेडियमवर होणार आहे. या सामन्यात शुबमन गिल टीम इंडियाचा भाग असू शकतो. याआधी त्याला डेंग्यूची लागण झाली होती. आता त्याच्यानंतर भारताच्या एका दिग्गजाला डेंग्यू झाला आहे. त्यामुळे भारत-पाकिस्तान सामन्याला मुकणार आहे.

भारत १२ वर्षांनंतर २०२३ च्या विश्वचषकाचे यजमानपद भूषवत आहे. यावेळी भारतात डेंग्यूने थैमान घातले आहे. भारतीय संघाचा सलामीवीर शुबमन गिल डेंग्यूने बाधित झाल्यामुळे टीम इंडियाच्या प्लेइंग इलेव्हनमधून बाहेर आहे, तर दरम्यान, भारताचा प्रसिद्ध समालोचक हर्षा भोगलेलाही डेंग्यूची लागण झाली आहे. याबाबत हर्षा भोगलेने आपल्याला डेंग्यूची लागण झाल्याची माहिती एक्स या सोशल मीडियावर पोस्ट करुन दिली आहे.

हर्षा भोगले भारत-पाक सामन्यातून बाहेर –

I am disappointed at having to miss out on #IndiavsPak on the 14th. But I have dengue and the resultant weakness, and lowered immunity, will make it impossible. I am hoping to be back in time for the game on the 19th. My colleagues, and the broadcast crew, have been very helpful…
— Harsha Bhogle (@bhogleharsha) October 12, 2023

भारताचा माजी खेळाडू आणि सुप्रसिद्ध समालोचक हर्षा भोगले यांना डेंग्यूची लागण झाली आहे. त्यामुळे १४ ऑक्टोबर रोजी भारत आणि पाकिस्तान यांच्यातील सामन्यातून बाहेर पडावे लागले आहे. हर्षा भोगले आपल्या ट्विटमध्ये म्हणाले, ‘मी १४ तारखेला होणाऱ्या भारत विरुद्ध पाकिस्तान सामन्यातून बाहेर पडावे लागल्याने निराश आहे. पण मला डेंग्यू आहे आणि परिणामी अशक्तपणा आणि प्रतिकारशक्ती कमी झाल्यामुळे हे अशक्य आहे. मला आशा आहे की, मी १९ तारखेला सामन्यासाठी वेळेत परत येईन. माझे सहकारी आणि ब्रॉडकास्ट क्रू खूप उपयुक्त राहिले आहेत. मी वैयक्तिकरित्या त्यांचे आभार मानण्यास उत्सुक आहे.’

हेही वाचा – AUS vs SA, World Cup 2023: दक्षिण आफ्रिकेने ऑस्ट्रेलियाला दिले ३१२ धावांचे लक्ष्य, क्विंटन डी कॉकने झळकावले सलग दुसरे शतक

या सामन्यातून करणार पुनरागमन –

हर्षा भोगलेच्या कॉमेंट्रीला देशात खूप पसंती दिली जात आहे आणि भारत-पाक सामन्यात त्याची अनुपस्थिती चाहत्यांना आवडत नाही. हर्षा भोगलेच्या पुनरागमनाबद्दल बोलताना, अनुभवी समालोचकाने त्याच्या सोशल मीडिया हँडलद्वारे माहिती दिली आणि सांगितले की १९ ऑक्टोबर रोजी भारत आणि बांगलादेश यांच्यातील सामन्यातून ते कॉमेंट्रीच्या जगात पुनरागमन करू शकतात.

First published on: 12-10-2023 at 18:36 IST