भारतीय क्रिकेट टीमचा यष्टीरक्षक आणि फलंदाज दिनेश कार्तिकने शनिवारी इन्स्टाग्रामवर एक फोटो शेअर केला. हा इन्स्टाग्रामवरील त्याचा १०० वा फोटो होता. कार्तिकने तो फोटो शेअर करताना म्हटले की, '१०० वी पोस्ट थोडी खास असावी' या फोटोमध्ये दिनेश एका निसर्गरम्य ठिकाणी पत्नी दीपिका पल्लीकलसोबत दिसत आहे. या फोटोला अगदी काही तासांमध्ये हजारो लाइक्स मिळाले. या फोटोला कमेंटही खूप आल्या. या कमेंटपैकी अधिकतर कमेंट या जागे संदर्भात होत्या. हा फोटो फान्समध्ये काढला का असाच प्रश्न दिनेशचे चाहते त्याला विचारत होते. दिनेश कार्तिकने २००७ मध्ये निकिताशी लग्न केले होते. निकीता आणि दिनेश लहानपणापासूनचे मित्र होते. २०१२ च्या आयपीएल ५ पर्यंत दिनेश आणि निकीता एकत्र होते. यादरम्यान निकीताची ओळख मुरली विजयशी झाली आणि ती मुरलीच्या प्रेमात पडली. कार्तिकला जेव्हा मुरली आणि निकिताच्या अफेअरबद्दल कळले तेव्हा त्याने तडकाफडकी निकिताला घटस्फोट दिला. यानंतर दिनेशने स्कॉशपटू दीपिकाशी लग्न केले. ३२ वर्षीय दिनेश यंदाच्या आयपीलएमध्ये कोलकाता नाइट रायडर्सचे प्रतिनिधित्व करणार आहे. कोलकाता टीमने त्याला ७.४ कोटी रुपयांमध्ये विकत घेतले. कर्णधार पदाच्या शर्यतीत त्याच्यासोबत रॉबिन उथप्पाचेही नाव होते. पण रॉबिनला संघाटचा उपकर्णधार बनवले गेले. कार्तिकने तामिळनाडू संघाचे नेतृत्व केले आहे. त्याच्या नेतृत्वाखाली टीमने २००९-१० ची हजारे ट्रॉफी जिंकली होती. गेल्यावर्षी दिनेन गुजरात लायन्सकडून खेळला होता. संपूर्ण आयपीएलमध्ये त्याने ३६१ धावा केल्या होत्या.
