Paris Olympics : भारतीय टेबल टेनिस संघांनी रचला इतिहास, पॅरिस ऑलिम्पिकसाठी ठरले पात्र

टेबल टेनिसमधील ऑलिम्पिक सांघिक स्पर्धेसाठी भारत प्रथमच पात्र ठरला –

बीजिंग २००८ च्या गेम्समध्ये या स्पर्धेचा समावेश केल्यानंतर टेबल टेनिसमधील ऑलिम्पिक सांघिक स्पर्धेसाठी भारत पात्र ठरण्याची ही पहिलीच वेळ आहे. संघ रँकिंगची अधिकृत यादी ४ मार्च रोजी जाहीर केली जाईल, गणनेनुसार, दोन्ही टेबल टेनिस संघांनी पॅरिससाठी पात्र ठरले आहेत. भारतीय टेबल टेनिस महासंघाचे सरचिटणीस कमलेश मेहता म्हणाले, ‘पुरुष आणि महिला संघ खूप चांगले खेळले आणि आम्हाला त्यांचा अभिमान आहे. आम्ही ५ मार्च रोजी होणाऱ्या पॅरिस ऑलिम्पिकसाठी पात्र झालो आहोत. आता आम्ही अधिकृत घोषणेची वाट पाहत आहोत.’

महिला संघाने धैर्याने लढा दिला –

१०वेळचा राष्ट्रीय चॅम्पियन शरथ कमलच्या नेतृत्वाखालील पुरुष टेबल टेनिस संघाचा यजमान कोरियामधील वरिष्ठ संघाकडून ३-० असा पराभव झाला. महिलांनी धैर्याने लढा दिला पण अव्वल क्रमांकावर असलेल्या चायनीज तैपेईविरुद्ध १-३ असा पराभव पत्करावा लागला, ज्यात जागतिक क्रमवारीत १० व्या क्रमांकावर असलेल्या चेंग आय-चिंग आणि जागतिक क्रमवारीत ४१ क्रमांकावर असलेल्या सु-यु चेन या खेळाडूंचा समावेश होता.

हेही वाचा – IND vs ENG : चौथ्या कसोटीसाठी इंग्लंडची प्लेइंग इलेव्हन जाहीर! वूड-अहमदच्या जागी ‘या’ दोन खेळाडूंना मिळाली संधी

पुरुष आणि महिला दोन्ही संघांनी पात्रता मिळवणे ऐतिहासिक –

अव्वल भारतीय पुरुष खेळाडू ज्ञानसेकरन साथियान म्हणाले, ‘संपूर्ण संघ खूप उत्साहित आहे. आम्ही खूप दिवसांपासून या दिवसाची वाट पाहत होतो. आम्ही ऑलिम्पिकमध्ये स्थान मिळवल्याबद्दल आम्हाला खूप आनंद झाला आहे, जरी अधिकृतपणे कोटा निश्चित होण्यासाठी आम्हाला प्रतीक्षा करावी लागणार आहे. प्रशिक्षक, सपोर्ट स्टाफ, फेडरेशन आणि एसएआय यांच्याकडून हा खरोखरच एक उत्तम सांघिक प्रयत्न आहे. मला असे वाटते की, पुरुष आणि महिला या दोन्ही गटांमध्ये संघ म्हणून पात्र होणे खरोखरच ऐतिहासिक आहे.’

हेही वाचा – Mohammad Hafeez : ‘तुम्ही म्हणजे पूर्ण संघ नाही…’, हाफिजने बाबर आझमला असं का म्हटलं होतं? स्वतःच केला खुलासा

दोन विजय ऑलिम्पिकमध्ये पदकाची हमी देतात –

या स्पर्धेसाठी केवळ १६ संघ पात्र ठरले असून, ऑलिम्पिकमधील दोन विजय पदकाची हमी देत ​​असल्याने स्पर्धा तीव्र आहे. ऑलिम्पिकमध्ये दोन एकेरी प्रवेशाची हमी देत ​​असल्याने ही एक अत्यंत मागणी असलेला कार्यक्रम आहे.