आंतरराष्ट्रीय क्रिकेटमध्ये 'कॅप्टन कूल' नावाने परिचीत असलेल्या धोनीने आतापर्यंत यष्टींमागून अनेक खेळाडूंना जाळ्यात अडकवलं आहे. मात्र आयपीएलच्या बाराव्या हंगामात, धोनीने राजस्थान रॉयल्सविरुद्ध सामन्यात युवा खेळाडू रियान परागचा झेल पकडत एक अनोखी कामगिरी आपल्या नावे जमा केली आहे. धोनीने रियान पराग आणि त्याचे वडील पराग दास यांना बाद केल्याची एक आश्चर्यकारक बाब समोर आली आहे. समालोचक हर्षा भोगले यांनी आपल्या ट्विटर अकाऊंटवर ही बाब उघड केली आहे. Someone on twitter (sorry there were lots of msgs and I can't trace the name) pointed out this interesting bit of trivia. #RR played #CSK on April 11 in Jaipur and Riyan Parag was caught by MS Dhoni for 16.— Harsha Bhogle (@bhogleharsha) April 26, 2019 Many years ago, in the 99-00 season of the Ranji Trophy (see the 2nd innings of Assam in this scorecard) Assam opener, called Parag Das was stumped by a young keeper called MS Dhoni. Parag Das is Riyan Parag's father! And MSD is the constant!— Harsha Bhogle (@bhogleharsha) April 26, 2019 रियान परागला माघारी धाडल्याच्या आधी धोनीने त्याचे वडील पराग दास यांनाही बाद केलं होतं. धोनीने १९९९-२००० या हंगानात बिहारकडून रणजी करंडक क्रिकेट स्पर्धेत पदार्पण केले होते. धोनी इस्ट झोनच्या लीगमध्ये आसामविरुद्ध सामना खेळला होता. या सामन्याच्या दुसऱ्या डावात धोनीने रायनचे वडिल पराग यांना यष्टीचीत केले होते. दास यांनी या सामन्यात २४ चेंडूंत ३० धावा बनवल्या होत्या. हा सामना बिहारच्या संघाने १९१ धावांनी जिंकला होता.
