Video : त्या चिमुरड्याच्या गोलंदाजीने पाडली बुमराहला भुरळ

क्रिकेटच्या प्रतिभेबाबत भारत आणि पाकिस्तान हे दोनही देश तुल्यबळ आहेत. अगदी लहान मुलांपासून ते युवा खेळाडूंपर्यंत सर्व जण क्रिकेटचे चाहते आहेत. अशाच एका पाकिस्तानी चिमुरड्याने आपल्या गोलंदाजीमुळे भारताचा आघाडीचा वेगवान गोलंदाज जसप्रीत बुमराह याला भुरळ पाडली आहे. उमेर आफ्रिदी याने @afridiomair या ट्विटर हँडलवरून एका ५ वर्षाच्या मुलाच्या गोलंदाजीचा Video ट्विट केला आहे. या Videoमधील मुलगा हा बुमराह सारख्याच स्टाईलने गोलंदाजी करताना दिसत आहे. नुकत्याच झालेल्या आशिया चषक स्पर्धेत बुमराहची गोलंदाजीची शैली पाहिल्यानंतर तो अशी गोलंदाजी करत आहे, असेही ट्विटसोबत लिहिण्यात आले आहे.

5 Years Old kid from pak is a big fan of You.. after watching you in the recently concluded Asia cup every time he tries to bowl like him.

Anyway, Happy Birthday @virendersehwag Sir pic.twitter.com/KC8ML3wUgt

— Umair Afridi (@afridiomair) October 20, 2018

ही गोलंदाजीची शैली पाहून बुमराहलाही त्या चिमुरड्याची भुरळ पडली आहे. माझ्या लहानपणी मी माझ्यापुढे आदर्श असलेल्या गोलंदाजांची शैली पाहायचो आणि त्याची नक्कल करायचा प्रयत्न करायचो. आज आपल्या शैलीची कोणीतरी नक्कल करते आहे, ही बाब खूपच आनंददायी आहे, असे बुमराहने ट्विट केले आहे.

As a kid, I remember how I used to copy the actions of my cricketing heroes.
It’s a wonderful feeling to see kids copying my action today. #childhoodflashbacks #Grateful #nostalgia https://t.co/ni4Y22aPMH

— Jasprit bumrah (@Jaspritbumrah93) October 20, 2018