मार्टिन क्रो ‘हॉल ऑफ फेम’मध्ये

न्यूझीलंडचे माजी फलंदाज मार्टिन क्रो यांना न्यूझीलंड आणि ऑस्ट्रेलिया  सामन्यादरम्यान ‘आयसीसी क्रिकेट हॉल ऑफ फेम’मध्ये सहभागी करून घेण्यात येणार आह़े  आयसीसीने गुरुवारी याबाबतची घोषणा केली़
५२ वर्षीय क्रो हे रक्त कर्करोगाशी झगडून ठणठणीत बरे झाले आहेत़  विश्वचषक स्पध्रेदरम्यान हॉल ऑफ फेममध्ये समावेश करण्यात आलेले क्रो हे भारताचे अनिल कुंबळे आणि ऑस्ट्रेलियाच्या बेटी विल्सन यांच्यानंतर तिसरे खेळाडू आहेत़  कुंबळे आणि विल्सन यांना गेल्या आठवडय़ात आयसीसीकडून मेलबर्नमध्ये सन्मानित करण्यात आल़े  
आयसीसीचे प्रमुख आणि क्रिकेट ऑस्ट्रेलियाचे अध्यक्ष व्ॉल्ली एडवर्ड यांच्या हस्ते क्रो यांना शनिवारी होणाऱ्या सामन्याच्या मध्यंतराला सन्मानित करण्यात येणार आह़े  आयसीसी हॉल ऑफ फेमने सन्मानित होणारे ते ७९वे खेळाडू असून सर रिचर्ड हॅडली आणि डेब्बीइ हॉक्लेय यांच्यानंतरचे तिसरे किवी खेळाडू आहेत़  १९८२मध्ये वयाच्या १९व्या वर्षी क्रिकेटमध्ये पदार्पण करणाऱ्या क्रो यांनी १३ वर्षांच्या कारकीर्दीत ७७ कसोटी सामन्यांत ४५.३६च्या सरासरीने ५,४४४ धावा केल्या़  त्यात १७ शतकांचा समावेश आह़े  याशिवाय त्यांनी १४३ एकदिवसीय लढतीत प्रतिनिधित्व करताना चार शतक व ३४ अर्धशतक झळकावून ४,७०४ धावा केल्या आहेत़