घरच्या मैदानावर खेळण्याचा फायदा मिळविण्यासाठी उत्सुक असलेल्या पुणे सिटी क्लबला त्यांचा भरवशाचा खेळाडू आद्रियन मुटुच्या अनुपस्थितीत खेळावे लागणार आहे. त्यांना इंडियन सुपरलीग फुटबॉलमध्ये सोमवारी मुंबई सिटी क्लबच्या आव्हानाला सामोरे जावे लागणार आहे. शिवछत्रपती क्रीडानगरीतील मुख्य स्टेडियमवर सायंकाळी सात वाजता हा सामना होणार असून प्रेक्षकांना रंगतदार लढतीची अपेक्षा आहे. भारतीय संघात निवड झालेले खेळाडूही या सामन्यात खेळू शकणार नाहीत.