Australia defeated New Zealand by 3 wickets in the 2nd Test : ऑस्ट्रेलियाने सलग दुसऱ्या कसोटीत न्यूझीलंडचा पराभव केला. क्राइस्टचर्च येथे खेळल्या गेलेल्या दुसऱ्या सामन्यात ऑस्ट्रेलियाने यजमान न्यूझीलंडचा ३ विकेट्सने पराभव केला. दोन सामन्यांच्या कसोटी मालिकेत ऑस्ट्रेलियाने घरच्या मैदानावर न्यूझीलंडला क्लीन स्वीप दिला. ऑस्ट्रेलियाची दुसरी कसोटी जिंकण्यात कर्णधार पॅट कमिन्सने महत्त्वपूर्ण योगदान दिले. प्रथम गोलंदाजी आणि नंतर फलंदाजीत योगदान देत ऑस्ट्रेलियाला विजय मिळवून दिला.

यासह न्यूझीलंडचा संघ ३१ वर्षांचा दुष्काळ संपवू शकला नाही. १९९३ मध्ये मायदेशात झालेल्या कसोटी मालिकेत त्याने ऑस्ट्रेलियाचा शेवटचा पराभव केला होता. त्यानंतर ३१ सामन्यांत केवळ १ कसोटी सामन्यात ऑस्ट्रेलियाला पराभूत करण्यात यश आले आहे. २०११ मध्ये तो होबार्टमध्ये जिंकला होता. पहिल्या डावात १६२ धावांत गुंडाळल्यानंतर किवी संघाने दुसऱ्या डावात ३७२ धावा केल्या आणि ऑस्ट्रेलियासमोर २७९ धावांचे लक्ष्य ठेवले. ऑस्ट्रेलियाने पहिल्या डावात २५६धावा केल्या आणि ९४ धावांची आघाडी घेतली होती.

Gerhard Erasmus Took 17 Balls to Scored 1 Run Unwanted Record in History of T20 Cricket
ऑस्ट्रेलियामुळे ‘या’ संघाच्या कर्णधाराच्या नावे लाजिरवाणा रेकॉर्ड, टी-२० क्रिकेटच्या इतिहासात पहिल्यांदाच घडला हा प्रकार
IND vs PAK Anil Kumble
IND vs PAK: भारताविरुद्धच्या सामन्यात पाकिस्तानचा पराभव, अनिल कुंबळे म्हणाले, “बाबर आझमसारख्या खेळाडूच्या…”
Australia beat England by 36 runs in Twenty20 World Cup cricket tournament sport news
झॅम्पाची फिरकी निर्णायक; ऑस्ट्रेलियाची इंग्लंडवर ३६ धावांनी मात ; फलंदाजांचीही फटकेबाजी
Rohit Sharma Statement on New York Pitch Nassau County Internation Cricket Stadium Ahead of IND vs PAK
IND vs PAK: रोहित शर्माचे पाकिस्तानविरुद्धच्या सामन्यापूर्वी न्यूयॉर्कच्या खेळपट्टीवर मोठे वक्तव्य; म्हणाला, “क्युरेटरही पिचबाबत संभ्रमात…”
T20 World Cup 2024 AUS beat ENG
AUS vs ENG : १७ वर्षांनंतर ऑस्ट्रेलियाकडून इंग्लंडचा पराभव; सुपर ८ मध्ये कोणते संघ असणार?
Mitchell Starc Injured In Oman Match
मिचेल स्टार्कच्या दुखापतीमुळे ऑस्ट्रेलियाची वाढली डोकेदुखी, इंग्लंडविरुद्धच्या सामन्यात खेळणार की नाही? जाणून घ्या
WI beat PNG By 5 Wickets
T20 WC 2024: नवख्या संघाने बलाढ्य वेस्ट इंडिजला फोडला घाम, पापुआ न्यू गिनीविरुद्ध अडखळत विजय
Babar Azam breaks Virat's record
ENG vs PAK 4th T20 : बाबर आझमने मोडला विराट कोहलीचा विक्रम, इंग्लंडविरुद्ध केला ‘हा’ खास पराक्रम

ऑस्ट्रेलियासमोर विजयासाठी २७९ धावांचे लक्ष्य होते. पण संघासाठी हे लक्ष्य सोपे नव्हते. कारण पाठलाग करताना कांगारू संघाने ८० धावांवर अर्धा संघ म्हणजे पाच गडी गमावले होते. पण त्यानंतर ॲलेक्स कॅरी, मिचेल मार्श आणि पॅट कमिन्स यांनी आश्चर्यकारक कामगिरी करत संघाला विजयापर्यंत पोहोचवले. कमिन्सने नाबाद राहून संघाला विजय मिळवून दिला. याआधी त्याने न्यूझीलंडच्या दुसऱ्या डावात ४ विकेट्स घेतल्या होत्या.

हेही वाचा – फ्रेंच खुली बॅडिमटन स्पर्धा : सात्त्विक-चिरागला विजेतेपद; पुरुष दुहेरीच्या अंतिम सामन्यात चायनीज तैपेइच्या ली-यांग जोडीवर मात

खराब सुरुवातीनंतरही ऑस्ट्रेलियाने मिळवला विजय –

न्यूझीलंडच्या २७९ धावांच्या लक्ष्याचा पाठलाग करताना ऑस्ट्रेलियाची सुरुवात खराब झाली होती. संघाला पहिला धक्का स्टीव्ह स्मिथच्या (०९) आठव्या षटकात बसला. त्यानंतर नवव्या षटकात तिसऱ्या क्रमांकावर आलेला मार्नस लबूशेन (०६) पॅव्हेलियनमध्ये परतला. त्यानंतर १२व्या षटकात उस्मान ख्वाजाने आपली विकेट गमावली, तो १ चौकाराच्या मदतीने केवळ ११ धावा करू शकला. यानंतर १५व्या षटकात कॅमेरून ग्रीन (०५) बाद झाला आणि २५व्या षटकात क्रीझवर असलेल्या ट्रॅव्हिस हेडने २ चौकारांच्या मदतीने १८ धावा केल्या. अशाप्रकारे ऑस्ट्रेलियाचा निम्मा संघ ८० धावांवर पॅव्हेलियनमध्ये परतला होता.

हेही वाचा – WPL 2024 : रिचा घोषची कडवी झुंज अखेर अपयशी, थरारक सामन्यात दिल्लीचा आरसीबीवर १ धावेने विजय

मार्श, कॅरी आणि कमिन्सची शानदार खेळी –

पण इथून ऑस्ट्रेलियाने बाजी पलटवली. मिचेल मार्श आणि ॲलेक्स कॅरी यांनी सहाव्या विकेटसाठी १४० (१७४ चेंडू) धावांची भागीदारी केली. या भागीदारीमुळे ऑस्ट्रेलियाची धावसंख्या २२० धावांपर्यंत पोहोचली. १० चौकार आणि १ षटकाराच्या मदतीने ८० धावा करून पॅव्हेलियनमध्ये परतलेल्या मिचेल मार्शच्या विकेटसह ही भागीदारी संपुष्टात आली. त्यानंतर फलंदाजीला आलेला मिचेल स्टार्क गोल्डन डकचा बळी ठरला.
यानंतर ॲलेक्स कॅरी आणि कर्णधार पॅट कमिन्स यांनी नाबाद ६१ (६४ चेंडूत)ची नाबाद भागीदारी केली, ज्यामुळे संघाला विजय मिळवता आला. यादरम्यान ॲलेक्स कॅरीने १५ चौकारांच्या मदतीने नाबाद ९८ धावांची खेळी केली. तर पॅट कमिन्सने ४ चौकारांच्या मदतीने नाबाद ३२ धावा केल्या.