भारताचा सर्वात यशस्वी कर्णधार महेंद्रसिंह धोनी याची पत्नी साक्षी आज तिचा ३३ वा वाढदिवस साजरा करत आहे. धोनी सध्या कुटुंबासह रांचीमध्ये आहे. साक्षीच्या वाढदिवसाच्या सेलिब्रेशनचा व्हिडिओ सोशल मीडियावर व्हायरल होत आहे. या व्हिडिओमध्ये साक्षी केक कापताना दिसत आहे, तर धोनी तिच्यासोबत उभा आहे. धोनी आणि साक्षीचे जुलै २०१० मध्ये लग्न झाले. या दाम्पत्याला झिवा ही मुलगी आहे. साक्षी ही इंस्टाग्रामवरील लोकप्रिय भारतीय सेलिब्रिटींपैकी एक आहे. अनेकदा ती मैदानावर धोनी आणि त्याची टीम चेन्नई सुपर किंग्जला प्रोत्साहन देताना दिसते. साक्षीला इंस्टाग्रामवर जवळपास ४५ लाख चाहते फॉलो करतात. साक्षीसोबत धोनीची पहिली भेट २००७ मध्ये एका हॉटेलमध्ये झाली होती. साक्षी आणि धोनी हे दोघेही बालपणीचे मित्र असल्याचे अनेकदा सांगितले जाते. दोघांचे वडील मित्र होते. https://www.instagram.com/p/CWbbmIYBBcD/?utm_source=ig_embed&utm_campaign=embed_video_watch_again हेही वाचा - PHOTOS : ‘या’ १५ खेळाडूंनी क्रिकेटमध्ये केलं मोठं काम, पण SEX SCANDAL मुळं झाले ‘बदनाम’! एका मुलाखतीत साक्षी म्हणाली होती, ''लोक अनेकदा म्हणतात की माही आणि मी बालपणीचे मित्र आहोत. आमच्या कुटुंबातील सदस्य देखील मित्र आहेत. पण आमच्यात सात वर्षांचा फरक आहे आणि आम्ही बालपणीचे मित्र नाही. ७ जुलै २०१० रोजी माहीच्या वाढदिवसाला लग्नानंतर मी पहिल्यांदा रांचीला गेले होते.'' भारत आणि न्यूझीलंड यांच्यातील दुसरा टी-२० सामना रांची येथे खेळवला जाणार आहे. हा सामना पाहण्यासाठी धोनी जेएससीए स्टेडियममध्ये जाऊ शकतो. झारखंड प्रदेश क्रिकेट असोसिएशनचे सचिव संजय सहाय म्हणाले, "धोनी येथे आहे आणि आज कोर्टवर टेनिस खेळला. तो सामना पाहायला येईल की नाही हे सांगता येत नाही.''
