Video: सामना जिंकल्यानंतर प्रेक्षकांचा स्टेडियममध्ये सुरू होता जल्लोष; इतक्यातच घडली ‘भीतीदायक’ घटना!

नेदरलँडच्या फुटबॉल लीग स्पर्धेदरम्यान डच इरेडिवाइस मैदानात एक दुर्घटना घडली. सुदैवाने या दुर्घटनेत कोणतीही जीविहानी झाली नाही.

Football_Gallary
(Photo- Twitter)

नेदरलँडच्या फुटबॉल लीग स्पर्धेदरम्यान डच इरेडिवाइस मैदानात एक दुर्घटना घडली. सुदैवाने या दुर्घटनेत कोणतीही जीविहानी झाली नाही. नेक निजमेजेनला पराभूत केल्यानंतर फुटबॉल क्लब विटस्सी अरन्हेमचे चाहते स्टँडवर उभे राहून जल्लोष करत होते. त्यावेळी स्टँड खाली कोसळला. या घटनेचा व्हिडिओ सोशल मीडियावर वेगाने व्हायरल होत आहे.

विटस्सी अरन्हेम संघाने नेक निजमेजेनला १-० ने पराभूत केलं. सामना संपल्याची घोषणा होताच चाहते स्टँडमध्ये उभे राहिले. त्यांच्यासोबत मैदानातील खेळाडूही जल्लोष करत होतो. अचानक चाहत्यांच्या वजनाने स्टँड कोसळला. इतकी दुर्घटना होऊनही तुटलेल्या स्टँडवरही चाहते नाचताना दिसले. या दुर्घटनेनंतर निजमेजेनच्या महापौरांनी दु:ख व्यक्त केलं आहे. “या दुर्घटनेत कुणीही जखमी झालं नाही. पण जे काही झालं ते चांगलं नव्हतं. यासाठी एका चौकशी समितीची गठीत केली आहे. कारण स्टँड कोसळण्याच्या घटनेसाठी कोण जबाबदार होतं? याचं कारण समजू शकेल”, असं त्यांनी सांगितलं आहे.

रविवारी झालेल्या सामन्यात विजय मिळवल्यांतर विटस्सी संघ गुणतालिकेत सहाव्या स्थानावर पोहोचला आहे. गुरुवारी विटस्सीचा सामना टोट्टेन्हेम संघासोबत आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Netherland football league football stand collapse rmt

ताज्या बातम्या