NZ vs NED, World Cup: न्यूझीलंडची विजयी घौडदौड सुरूच! सँटनरच्या गोलंदाजीपुढे दुबळ्या नेदरलँड्सचा धुव्वा, ९९ धावांनी दणदणीत विजय

न्यूझीलंडचा मोठा विजय

न्यूझीलंडने नेदरलँडचा ९९ धावांनी पराभव करत विश्वचषकात मोठा विजय मिळवला. त्याने पहिल्याच सामन्यात इंग्लंडचा पराभव केला होता. अशाप्रकारे या स्पर्धेतील किवी संघाचा हा सलग दुसरा विजय आहे. गुणतालिकेत त्याचे आता दोन सामन्यांतून चार गुण झाले असून तो पहिल्या स्थानावर कायम आहे. दुसरीकडे, नेदरलँडचा हा सलग दुसरा पराभव आहे. हैदराबादमध्येच गेल्या सामन्यात पाकिस्तानने त्यांचा पराभव केला होता.

हैदराबादच्या राजीव गांधी आंतरराष्ट्रीय क्रिकेट स्टेडियमवर नेदरलँडचा कर्णधार स्कॉट एडवर्ड्सने नाणेफेक जिंकून प्रथम गोलंदाजी करण्याचा निर्णय घेतला. न्यूझीलंडने ५० षटकांत सात विकेट गमावून ३२२ धावा केल्या. प्रत्युत्तरात नेदरलँडचा संघ ४६.३ षटकांत २२३ धावांवर सर्वबाद झाला. या विश्वचषकात न्यूझीलंडचा हा दुसरा विजय आहे. त्याने पहिल्याच सामन्यात इंग्लंडचा पराभव केला होता.

सँटनर सामनावीर ठरला

नेदरलँड्सकडून कॉलिन अकरमनने सर्वाधिक ६९ धावा केल्या. स्कॉट एडवर्ड्सने ३० आणि सायब्रँड एंजेलब्रेक्टने २९ धावा केल्या. न्यूझीलंडचा अनुभवी फिरकी गोलंदाज मिचेल सँटनरने पाच विकेट्स घेतल्या. मॅट हेन्रीला तीन यश मिळाले. रचिन रवींद्रने एक विकेट घेतली. पाच विकेट्स घेणाऱ्या सँटनरला सामनावीर म्हणून गौरवण्यात आले.

हेही वाचा: Zainab Abbas: पाकिस्तानी क्रीडा पत्रकार झैनाब अब्बासची भारतातून हकालपट्टी, हिंदुविरोधी देव-देवतांच्या ट्वीटमुळे सापडली वादात

याआधी न्यूझीलंडकडून तीन फलंदाजांनी अर्धशतके झळकावली. विल यंगने ७०, टॉम लॅथमने ५३ आणि रचिन रवींद्रने ५१ धावा केल्या. डेरिच मिशेलने ४८ धावांचे, मिचेल सँटनरने नाबाद ३६ आणि डेव्हन कॉनवेने ३२ धावांचे योगदान दिले. मॅट हेन्री १० धावा करून नाबाद राहिला. मार्क चॅपमनने पाच आणि ग्लेन फिलिप्सने चार धावा केल्या. नेदरलँड्सकडून आर्यन दत्त, पॉल व्हॅन मीकरेन आणि रीलोफ व्हॅन डर मर्वे यांनी प्रत्येकी दोन गडी बाद केले. बास डी लीडे यशस्वी झाले.