दक्षिण आफ्रिकेचा पॅरालिम्पिकपटू ऑस्कर पिस्टोरिअस याची बुधवारी पॅरोलवर सुटका करण्यात आली. २०१३मध्ये प्रेयसी रिवा स्टीनकॅम्पच्या हत्येप्रकरणी पिस्टोरिअसला पाच वर्षांची शिक्षा सुनावण्यात आली आहे. पिस्टोरिअसने व्हॅलेंटाइनच्या दिवशी स्टीनकॅम्पची राहत्या घरी गोळी घालून हत्या केली होती. मात्र, घुसखोर घुसल्याच्या संशयातून ही घटना घडल्याचा दावा पिस्टोरिअसने केला होता. काही सुधारित अटींवर त्याची सुटका करण्यात आली आहे आणि त्याला पुढील शिक्षा राहत्या घरी नजरकैदेत पूर्ण करावी लागणार आहे.
