Asia Cup 2018 Ind vs Pak : भारताविरुद्ध पाकिस्तानचं पारडं जड – सुनील गावसकर

भारतापेक्षा आशिया चषक जिंकण्यासाठी माझी पाकिस्तानला अधिक पसंती आहे. मानसिकदृष्ट्या पाकिस्तानचा संघ भारतापेक्षा कणखर आहे. चॅम्पियन्स ट्रॉफी स्पर्धेत भारताला पाकिस्तानने पराभूत केले होते. त्यामुळे पाकिस्तानचे मनोधैर्य उंचावलेले असेल, असे ते म्हणाले.

प्रत्येक सामना सुरु होण्यापूर्वी किंवा प्रत्येक चेंडू फेकला जाण्यापूर्वी आधीच्या सामन्यांचा इतिहास कायम आपल्या डोक्यात असते. त्यामुळे भारताला आधीच्या सामन्यातील पराभव लक्षात असेल. त्यामुळे पाकिस्तानला या सामन्यात अधिक पसंती आहे. याशिवाय संघातील विराट कोहलीची अनुपस्थिती हा कळीचा मुद्दा ठरण्याची शक्यता आहे, असेही गावसकर म्हणाले.