चीन ओपन बॅडमिंटन स्पर्धेच भारताच्या पी.व्ही.सिंधूने रशियाच्या एविग्नीया कोसेत्स्कायावर 21-13, 21-19 अशा दोन सेट्समध्ये मात केली. अवघ्या 29 मिनीटांमध्ये सिंधूने सामना संपवत सामन्यावर आपलं वर्चस्व गाजवलं. पहिल्या सेटपासून सिंधूने आक्रमक खेळ करत एविग्नीयाला संधीच दिली नाही. पहिला सेट 21-13 ने जिंकत सिंधूने सामन्यात आघाडी घेतली. मात्र दुसऱ्या सेटमध्ये एविग्नीयाने चांगलं पुनरागमन केलं. मात्र यावेळीही सिंधूने आपला सर्व अनुभव पणाला लावत 2 गुणांच्या फरकाने सेट जिंकत सामन्यात बाजी मारली. दुसरीकडे महिला दुहेरीत भारताच्या आश्विनी पोनाप्पा आणि सिकी रेड्डी जोडीचं आव्हान संपुष्टात आलं आहे.