scorecardresearch

Premium

AUS vs PAK Test Series: मिचेल जॉन्सनच्या टीकेला डेव्हिड वॉर्नरचे प्रत्युत्तर; म्हणाला, “माझ्या आई-वडिलांनी मला…”

David Warner on Johnson’s criticism : डेव्हिड वॉर्नर म्हणाला की त्याची पार्श्वभूमी त्याला कठीण क्षणांतून जाण्यास मदत करते. मिचेल जॉन्सनच्या वक्तव्याची त्याला फारशी चिंता नाही.

David Warner said Responding to Mitchell Johnson's criticism
मिचेल जॉन्सनच्या टीकेला डेव्हिड वॉर्नरचे प्रत्युत्तर (फोटो-लोकसत्ता ग्राफिक्स टीम)

David Warner said everyone is entitled to an opinion : ऑस्ट्रेलियाचा दिग्गज फलंदाज डेव्हिड वॉर्नरने माजी सहकारी गोलंदाज मिचेल जॉन्सनच्या नुकत्याच केलेल्या टीकात्मक विधानावर मौन सोडले आहे. मिचेल जॉन्सनने पाकिस्तानविरुद्धच्या कसोटी मालिकेसाठी डेव्हिड वॉर्नरच्या निवडीवरून ऑस्ट्रेलियाच्या निवड समितीवर जोरदार टीका केली होती. यावर डेव्हिड वार्नर म्हणाला, त्याला याने काही फरक पडत नाही. डेव्हिड वार्नरच्या मते कोणालाही मत मांडण्याचा अधिकार आहे.

ऑस्ट्रेलिया विरुद्ध पाकिस्तान कसोटी मालिका ही वॉर्नरची अंतिम कसोटी असू शकते. यावर जॉन्सन म्हणाला की दिग्गज सलामीवीर त्याला मिळत असलेल्या नायकासारखा निरोप घेण्यास पात्र नाही. कारण तो सँडपेपर घोटाळ्यात सामील होता, ज्यामुळे संपूर्ण क्रिकेट समुदाय त्याच्या विरोधात वळला होता. आता या वादाच्या संदर्भात डेव्हिड वॉर्नरने आगीत तेल न घालता शांत प्रतिक्रिया दिली आहे. वॉर्नर म्हणाला की, मिचेल जॉन्सनचे शब्द कितीही कठोर असले, तरीही त्याला मत व्यक्त करण्याचा अधिकार आहे. वॉर्नर पुढे म्हणाला की, जॉन्सनसारख्या टीकाकारांसमोर नतमस्तक व्हायला तो खूप आधी शिकला आहे.

Shoaib Malik share about post on social media in bpl 2024
Shoaib Malik : ‘प्रत्येकाने कोणत्याही…’, मॅच फिक्सिंगच्या आरोपांवर शोएबने सोडलं मौन, सोशल मीडियावर दिली प्रतिक्रिया
Ankita lokhande mother reacted on Vicky jain party with girls
लेक घरी नसताना जावयाने गर्ल गँगसह केली पार्टी; अंकिता लोखंडेच्या आई म्हणाल्या, “विकीने त्या सर्वांना…”
ayushmann-khurrana-viral-video
आयुष्मान खुरानाचा ‘दिल दिल पाकिस्तान’ गाणं गातानाचा व्हिडीओ व्हायरल, नेमकं सत्य काय? जाणून घ्या
Youth arrested for killing teacher in Virar
विरार मध्ये शिक्षकाची हत्या, तरुणाला अटक

फॉक्स स्पोर्ट्सच्या अहवालानुसार वॉर्नर म्हणाला, “या उन्हाळ्यात क्रिकेट हेडलाइन्सपासून दूर राहणार नाही. ते असेच आहे. प्रत्येकाला मत मांडण्याचा अधिकार आहे, परंतु आम्ही पुढे जाण्यासाठी चांगल्या कसोटी मालिकेची आशा करतो.” डेव्हिड वॉर्नर म्हणाला की, त्याच्या पार्श्वभूमीमुळे तो कठीण क्षणांचा सामना करू शकला आहे. तसेच तो मिचेल जॉन्सनच्या टिप्पण्यांमुळे चिंतित नाही.

हेही वाचा – LLC 2023 : गौतम गंभीरच्या पोस्टवर श्रीसंत संतापला; म्हणाला, ‘तू सर्वोच्च न्यायालयापेक्षा…’

डेव्हिड वार्नर पुढे म्हणाला, “माझ्या आई-वडिलांनी मला टीकेसह जगायल शिकवले. त्याचबरोबर त्यांनी मला रोज लढायला आणि मेहनत करायला शिकवले आहे. जेव्हा तुम्ही मोठ्या स्टेजवर जाता, तेव्हा तुम्हाला कळत नाही की त्याच्यासोबत काय-काय येते. तिथे मीडिया असते, खूप टीका होते, पण काही चांगल्या गोष्टीही आहेत. मला वाटते की, आज तुम्ही येथे जे पाहत आहात, ते सर्वात महत्त्वाचे आहे आणि ते म्हणजे लोक क्रिकेटला पाठिंबा देण्यासाठी पुढे येत आहेत.”

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Responding to mitchell johnsons criticism david warner said everyone is entitled to an opinion vbm

First published on: 08-12-2023 at 12:08 IST

संबंधित बातम्या

तुम्ही या बातम्या वाचल्या आहेत का? ×