Ricky Ponting Home: Ricky Ponting bought a luxurious house by spending $ 20 million see some very beautiful pictures of this mansion

Ricky Ponting Home Inside Photos: ऑस्ट्रेलियाचा माजी कर्णधार रिकी पाँटिंगने मेलबर्नमधील सर्वोत्तम परिसरात एक आलिशान घर विकत घेतले आहे. क्रिकेट खेळत नसतानाही एवढे पैसे आले कुठून असा मजेशीर प्रश्न चाहते विचारत आहेत.

सौजन्य- (ट्विटर)

Ricky Ponting Home Inside Photos: जगभरातील आंतरराष्ट्रीय क्रिकेटपटू त्यांच्या खेळासोबतच लक्झरी लाइफसाठीही ओळखले जातात. ऑस्ट्रेलियाचा माजी दिग्गज रिकी पाँटिंगच्या बाबतीतही असेच आहे. रिकी पाँटिंग हा जगातील सर्वात श्रीमंत क्रिकेटपटूंपैकी एक आहे. रिकी पाँटिंगने मेलबर्नच्या सर्वात पॉश भागात एका घरासाठी $२० दशलक्ष खर्च केले आहेत. ऑस्ट्रेलियन मीडियानुसार, हे घर त्याच्या निश्चित किंमतीपेक्षा जास्त खरेदी करण्यात आले आहे. या घराची किंमत $२०.६ दशलक्ष आहे पण पाँटिंगने ते $२०.७५ दशलक्षला विकत घेतले. म्हणजे भारतीय चलनानुसार १७५ कोटी रुपयाचे ते घर आहे. क्रिकेट खेळत नसतानाही एवढे पैसे आले कुठून असा मजेशीर प्रश्न चाहते विचारत आहेत.

पाँटिंगची आधीच बरीच घरं आहेत

द एजनुसार, पॉन्टिंगने विकत घेतलेले घर १४०० स्क्वेअर मीटरवर आहे आणि घर एक ओपन-प्लॅन इनडोअर-आउटडोअर लिव्हिंग रूम आणि आधुनिक स्वयंपाकघर आहे. पाँटिंगचे हे पहिले आलिशान घर नाही. याशिवाय त्यांची इतरही अनेक घरे आहेत. २०१३ मध्ये, त्याने ब्राइटन बीचजवळ एक घर विकत घेतले, ज्याची किंमत त्यावेळी $ ९.२ दशलक्ष होती. ब्राइटनमधील त्यांच्या घराचे नाव ‘गोल्डन माईल’ आहे. घरामध्ये सात शयनकक्ष, आठ स्नानगृहे, एक खाजगी थिएटर आणि समुद्रकिनार्यावर जाण्यासाठी एक खाजगी मार्ग आहे. त्याच्याकडे $३.५ दशलक्ष पोर्टसी हाऊस देखील आहे. जी त्याने २०१९ मध्ये खरेदी केली होती. या घरामध्ये ओपन प्लॅन इनडोअर-आउटडोअर लिव्हिंग स्पेस देण्यात आली आहे. या घरात लोखंडी पायऱ्या बनवल्या आहेत.

हेही वाचा: WPL 2023 MI-W vs GG-W: जायंटकिलर मुंबईचा अश्वमेध अजेय! गुजरातवर ५५ धावांनी विजय, ठरला प्ले ऑफ मध्ये पोहोचणारा पहिला संघ

पाँटिंगची कारकीर्द

रिकी पाँटिंगने ऑस्ट्रेलियासाठी तीन विश्वचषक जिंकले आहेत. त्यापैकी दोन त्याने कर्णधार म्हणून जिंकले. पाँटिंग हा आंतरराष्ट्रीय क्रिकेटमधील सर्वात यशस्वी कर्णधारांपैकी एक आहे. त्याने २००० मध्ये ऑस्ट्रेलियाचे कर्णधारपद स्वीकारले. त्याच्या नेतृत्वाखाली ऑस्ट्रेलियाने एकदिवसीय आणि कसोटी सारख्या फॉरमॅटमध्ये राज्य केले. त्याला सर्व काळातील महान फलंदाजांपैकी एक मानले जाते. पाँटिंगने १६८ कसोटीत ४१ शतकांसह ५१.८५ च्या सरासरीने १३,३७८ धावा केल्या आहेत. ३७४ एकदिवसीय सामन्यांमध्ये पाँटिंगने २९ शतकांसह ४१.८१ च्या सरासरीने १३,५८९ धावा केल्या.

हेही वाचा: IND vs AUS: ICC विरुद्ध BCCIने थोपटले दंड! इंदोर खेळपट्टीचा वाद पेटला, डिमेरिट रेटिंगवरून ‘हे’ मोठे अपडेट आले समोर

नोव्हेंबर २०१२ मध्ये निवृत्त झाल्यापासून, पॉन्टिंगने अनेक संघांसोबत प्रशिक्षक म्हणून काम केले आहे, शिवाय त्याच्या समालोचनासाठी प्रसिद्ध आहे. त्यांनी मुंबई इंडियन्सला २०१५च्या आयपीएलमध्ये मुख्य प्रशिक्षक म्हणून मदत केली आणि वेळोवेळी ऑस्ट्रेलियन संघाला विविध स्तरांवर प्रशिक्षक म्हणून मदत केली. पॉन्टिंग २०१८ पासून आयपीएलमध्ये दिल्ली कॅपिटल्सचे मुख्य प्रशिक्षक आहेत. एकंदरीत, पाँटिंग कोणत्याही क्षेत्रात गेला, त्याने आश्चर्यकारक कामगिरी केली.

First published on: 15-03-2023 at 14:09 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ricky ponting home ricky ponting bought a luxurious house by spending a 150 crore house while not playing cricket see pics avw

Ricky Ponting Home: अबब! रिकी पाँटिंगकडे किती पैसे आहेत… क्रिकेट खेळत नसतानाही खरेदी केले १५० कोटींचे घर, पाहा फोटो

पाँटिंगची आधीच बरीच घरं आहेत

पाँटिंगची कारकीर्द