IND vs SL: अर्धशतक ठोकताच रोहित शर्माची आणखी एका विक्रमाला गवसणी, 'हा' कारनामा करणारा ठरला पहिलाच सलमीवीरRohit Sharma has become the fastest ODI opener to complete 8000 runs in IND vs SL Match

Rohit Sharma as opener record: भारत आणि श्रीलंका यांच्यात सुपर-४ मधील चौथ्या सामन्यात रोहित शर्माने वन डे कारकीर्दीतील १० हजार धावांचा टप्पा ओलांडला. त्याचबरोबर रोहित शर्मा आणखी एक विक्रम केला आहे.

रोहित शर्मा (फोटो-ट्विटर)

Rohit Sharma has become the fastest ODI opener to complete 8000 runs: आशिया चषक २०२३ मधील सुपर फोर फेरीतील चौथ्या सामन्यासाठी भारत आणि श्रीलंका आमनेसामने आले आहेत. आर प्रेमदासा स्टेडियमवर खेळल्या जात असलेल्या सामन्यात भारताने नाणेफेक जिंकून प्रथम फलंदाजीचा निर्णय घेतला. प्रथम फलंदाजी करायला उतरलेल्या भारतीय संघाकडून रोहित शर्माने अर्धशतक झळकावत एका मोठ्या विक्रमाला गवसणी घातली.

सलामीवीर म्हणून रोहित शर्मा सर्वात जलद ८००० धावा पूर्ण करणारा खेळाडू ठरला –

या सामन्यात रोहित शर्माने ४४ चेंडूत आपले अर्धशतक पूर्ण केले. हे त्याचे एकदिवसीय क्रिकेटमधील ५१ वे अर्धशतक आहे. या खेळीच्या जोरावर रोहित शर्माने सलामीवीर म्हणून आपल्या ८००० धावा पूर्ण केल्या आहेत. त्याचबरोबर तो सर्वात जलद ८००० धावा पूर्ण करणारा खेळाडू ठरला आहे. त्याने एकदिवसीय सामन्यातील १६० डावांत हा कारनामा केला आहे. या बाबतीत त्याने हाशिम आमलाचा विक्रम मोडला. आमलाने १७३ डावात ही कामगिरी केली होती. तर सचिन तेंडुलकरने १७९ डावात ही कामगिरी केली होती.

वन डे क्रिकेटमध्ये १० हजार धावा पूर्ण –

? Milestone ?

1⃣0⃣0⃣0⃣0⃣ ODI runs & counting ? ?

Congratulations to #TeamIndia captain Rohit Sharma ? ?

Follow the match ▶️ https://t.co/P0ylBAiETu #AsiaCup2023 | #INDvSL pic.twitter.com/STcUx2sKBV
— BCCI (@BCCI) September 12, 2023

तत्पूर्वी भारतीय कर्णधार रोहित शर्मा श्रीलंकेविरुद्धच्या सामन्यात वन डे क्रिकेटमध्ये १० हजार धावा पूर्ण केल्या आहेत. अशी कामगिरी करणारा तो सहावा भारतीय फलंदाज ठरला. त्याच्या आधी सचिन तेंडुलकर, सौरव गांगुली, राहुल द्रविड, महेंद्रसिंग धोनी आणि विराट कोहली यांनी ही कामगिरी केली आहे. रोहितने आतापर्यंत २४१ एकदिवसीय सामन्यातील २०५ डावात ४८.९१च्या सरासरीने आणि ९०.१९च्या स्ट्राईक रेटने १०.००० धावा पूर्ण केल्या आहेत.

हेही वाचा – IND vs PAK: पाकिस्तानविरुद्धच्या सामन्यानंतर कुलदीप यादवचा वाढला आत्मविश्वास; म्हणाला, ‘मी निवृत्तीनंतरही…’

या काळात त्याने आपल्या बॅटने विरोधी संघातील गोलंदाजांना धू-धू धुतले आहे. त्यात त्याने ३० शतके आणि ५० अर्धशतके झळकावली आहेत. त्यात त्याने तीन वेळा द्विशतक देखील ठोकले आहे. त्याची सर्वोतम धावसंख्या देखील श्रीलंकेविरुद्ध २६४ एवढी आहे. आजच्या सामन्यात रोहित शर्माने ४८ चेंडूत ७ चौकार आणि २ षटकारांसह ५३ धावा केल्या.

हेही वाचा – IND vs SL, Rohit Sharma: हिटमॅनच्या शिरपेचात आणखी एक मानाचा तुरा! भारताचा कर्णधार रोहित शर्मा झाला १० हजारी मनसबदार

सामन्याबद्दल बोलायचे तर, भारतीय संघाच्या धावसंख्येने तीन विकेट गमावून १०० धावा पार केल्या आहेत. लोकेश राहुल आणि इशान किशन क्रीजवर आहेत. ड्युनिथ वेलल्गेने तीन विकेट घेत भारतीय संघाला अडचणीत आणले आहे. आता या जोडीवर टीम इंडियाला मोठ्या धावसंख्येपर्यंत नेण्याची जबाबदारी आहे. मोठे फटके खेळून डावखुऱ्या किशन वेललगेची लय खराब करायला आवडेल. २०षटकांनंतर भारताची धावसंख्या तीन गड्यांच्या मोबदल्यात १०९ धावा आहे.

First published on: 12-09-2023 at 16:58 IST

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Rohit sharma has become the fastest odi opener to complete 8000 runs in ind vs sl match vbm

IND vs SL: अर्धशतक ठोकताच रोहित शर्माची आणखी एका विक्रमाला गवसणी, ‘हा’ कारनामा करणारा ठरला पहिलाच सलमीवीर

सलामीवीर म्हणून रोहित शर्मा सर्वात जलद ८००० धावा पूर्ण करणारा खेळाडू ठरला –

वन डे क्रिकेटमध्ये १० हजार धावा पूर्ण –