IPL 2024 : युजवेंद्र चहलने नोंदवला नकोसा विक्रम, ‘या’ बाबतीत झळकावले द्विशतक

चहलच्या नावावर नोंदवला नकोसा विक्रम –

युजवेंद्र चहल हा आयपीएल आणि टी-२० क्रिकेटमधील भारताचा महान फिरकी गोलंदाज आहे. आयपीएल २०२४ मध्येही तो जबरदस्त फॉर्ममध्ये दिसत होता, परंतु युजवेंद्र चहल आता आयपीएलच्या इतिहासातील दुसरा गोलंदाज बनला आहे, ज्याच्याविरुद्ध २०० षटकार मारले गेले आहेत. चहलने आयपीएलमधील आपल्या १५१व्या सामन्यात हा नकोसा विक्रम केला. त्याने आयपीएलमध्ये एकूण ३३०५ चेंडू टाकले आहेत. ज्यामध्ये त्याच्याविरुद्ध २०० षटकार मारण्यात आले आहेत. चहलशिवाय पियुष चावलाविरुद्ध २०० हून अधिक षटकार मारले आहेत. त्याच्याविरुद्ध आयपीएलमध्ये एकूण २११ षटकार मारण्यात आले आहेत.

आयपीएलमध्ये या गोलंदाजांविरुद्ध मारलेत सर्वाधिक षटकार –

पियुष चावला – २११ षटकार
युजवेंद्र चहल – २०० षटकार
रवींद्र जडेजा – १९८ षटकार
आर अश्विन – १८९ षटकार
अमित मिश्रा – १८२ षटकार

हेही वाचा – PBKS vs RR : राजस्थानसाठी IPL पदार्पण करणारा कोण आहे तनुष कोटियन? ज्याने १०व्या क्रमांकावर झळकावलंय शतक

युजवेंद्र चहलचा आयपीएलमधील आकडेवारी –

युजवेंद्र चहलचा आयपीएलमधील आकडेवारी खूपच चांगली आहे. या हंगामात त्याने ६ सामन्यात एकूण ११ विकेट घेतल्या आहेत. तो पर्पल कॅपच्या शर्यतीतही आहे. आयपीएलमध्ये चहलने १५१ सामन्यात २१.३१च्या सरासरीने आणि ७.६६ च्या इकॉनॉमीने १९८ विकेट्स घेतल्या आहेत. त्याची सर्वोत्तम गोलंदाजी म्हणजे ४० धावांत ५ विकेट्स आहेत. आयपीएलच्या इतिहासात चहलच्या नावावर सर्वाधिक विकेट्स (१९८) आहेत. त्याच वेळी, तो आयपीएलमध्ये २०० विकेट्सच्या अगदी जवळ आहे आणि असे करणारा तो पहिला गोलंदाज देखील बनू शकतो.