भारताचा माजी महान क्रिकेटपटू सचिन तेंडुलकरने गुरुवारी आपला ४१वा वाढदिवस साधेपणाने साजरा केला. सचिन आयपीएल स्पध्रेसाठी संयुक्त अरब अमिरातीमध्ये होता. परंतु दोन दिवसांपूर्वी तो मुंबईत आला असून त्याने आपला वाढदिवस कुटुंब आणि मित्रपरिवारासह साजरा केला.
गेल्या वर्षी नोव्हेंबरमध्ये आंतरराष्ट्रीय क्रिकेटमधून निवृत्ती पत्करल्यानंतर सचिनचा हा पहिला वाढदिवस असून सचिनने तो साधेपणाने साजरा करायचे ठरवले होते. त्यासाठी त्याने आपल्या मित्रांना एका छोटेखानी पार्टीसाठी आमंत्रित केले होते.