मोसमातील पहिलेवहिले जेतेपद पटकावण्याचे सायना नेहवालचे स्वप्न अद्याप पूर्ण होऊ शकले नाही. चीन सुपर सीरिज स्पर्धेत दमदार सलामी देणाऱ्या सायनाला दुसऱ्याच फेरीत अनपेक्षित पराभवाला सामोरे जावे लागले. चीनच्या बिगरमानांकित सून यूनने सायनावर २१-१६, १५-२१, २१-१७ अशी मात केली. तसेच पारुपल्ली कश्यप आणि अरुंधती पनतावणे यांचाही पराभव झाल्याने स्पर्धेतील भारताचे आव्हानच संपुष्टात आले आहे.