येरवडा तुरूंगात शिक्षा भोगत असलेला बॉलीवूड अभिनेता संजय दत्त लवकरच आपली नवी ‘इनिंग’ सुरू करणार आहे. तुरूंगवारीनंतर संजय दत्त क्रिकेटच्या मैदानात आपले नशीब आजमवणार आहे. यूएईमध्ये होणाऱया ‘मास्टर्स चॅम्पियन्स लीग’मध्ये(एमसीएल) संजूबाबा स्वत:च्या मालकीचा संघ उतरवणार आहे. संजय दत्त पुढच्या वर्षी शिक्षा संपवून तुरूंगातून बाहेर येणार आहे. त्याच वर्षी यूएईमध्ये निवृत्त क्रिकेटपटूंचा सहभाग असलेली एमसीएल स्पर्धा रंगणार आहे. संजय दत्तच्या अनुपस्थितीत त्याचे आर्थिक व्यवहार पत्नी मान्यता सांभाळत असून तिने एमसीएलशी करार केला आहे. एमसीएलमध्ये ब्रायन लारा, वीरेंद्र सेहवाग सारखे दिग्गज खेळाडू सहभागी होणार आहेत.