भारत-पाकिस्तान अंतिम लढत व्हावी-सकलेन

’  दुबई : भारत आणि पाकिस्तान यांच्यात ट्वेन्टी-२० विश्वचषक क्रिकेट स्पध्रेचा अंतिम सामना व्हावा, ही इच्छा पाकिस्तानचे प्रशिक्षक सकलेन मुश्ताकने व्यक्त केली आहे. रविवारी झालेल्या लढतीत पाकिस्तानने भारतावर १० गडी राखून विजय मिळवला. दोन्ही संघांमधील क्रीडात्मक लढतीमुळे मानवतेचा संदेश दिला गेल्याचे मत सकलेनने व्यक्त केले आहे. ‘‘आम्ही पराभूत केले असले तरी भारताचा संघ मजबूत आहे. विश्वविजेतेपदाच्या दावेदारांपैकीही त्यांना गणले जात आहे. त्यामुळे भारत-पाकिस्तान अंतिम सामना झाल्यास उत्तम ठरेल,’’ असे सकलेनने सांगितले.