सर्वोत्तम कामगिरी करणाऱ्या खेळाडूला संधी मिळणे योग्यच!, धवनचे वक्तव्य

‘‘चढ-उतार हा आयुष्याचा भागच आहे. वेळ आणि अनुभवानुसार तुम्ही अपयश पचवायला शिकता. मी नेहमीच माझी सर्वोत्तम कामगिरी करण्याचा प्रयत्न केला. मात्र, एखादा खेळाडू माझ्यापेक्षाही उत्तम कामगिरी करत असल्यास त्याला संधी मिळणे योग्यच आहे. मी आयुष्यात आणि कारकीर्दीत ज्या टप्प्यावर आहे, त्याबाबत खूप समाधानी आहे. भारतीय संघात पुनरागमनासाठी मी सर्वतोपरी प्रयत्न करणार आहे. मला संधी मिळाली तर त्याचा खूप आनंद असेल, पण संधी न मिळाल्यासही मी फार निराश होणार नाही,’’ असे धवन म्हणाला.