T20 WC PAK vs AUS : बाप रे बाप..! पाकिस्तानच्या फलंदाजाचा जोरदार फटका अन् अंपायर कोसळला जमिनीवर; पाहा VIDEO

सामन्यात एक प्रसंग असा आला की, पंचाचा जीव काही सेंकदासाठी वाचला.

Pak_VS_Aus_Umpire
T20 WC PAK vs AUS : बाप रे बाप..! पाकिस्तानच्या फलंदाजाचा जोरदार फटका अन् अंपायर कोसळला जमिनीवर; पाहा VIDEO (Photo- Twitter)

टी २० वर्ल्डकपच्या उपांत्य फेरीत पाकिस्तानचा सामना ऑस्ट्रेलियाशी होत आहे. या सामन्यात ऑस्ट्रेलियाने नाणेफेक जिंकत प्रथम गोलंदाजीचा निर्णय घेतला. पाकिस्तानने प्रथम फलंदाजी करताना २० षटकात ४ गडा गमवून १७६ धावा केल्या. तसेच ऑस्ट्रेलियासमोर विजयासाठी १७७ धावांचं आव्हान दिलं आहे. पाकिस्तानकडून मोहम्मद रिझवान आणि फखर जमानने चांगली फलंदाजी करत पाकिस्तानला मोठी धावसंख्या उभारून दिली. असं असताना या सामन्यात एक प्रसंग असा आला की, पंचाचा जीव काही सेंकदासाठी वाचला. फकर झमानने १७ व्या षटकातला चौथा चेंडू सरळ मारला. हा चेंडू इतक्या वेगाने मारला की पंचाची नजर चुकली असती तर, चेंडू तोंडावर आदळला असता. पंच ख्रिस गॅफनी यांनी वेळेत जमिनीवर झोपले आणि संकट टळलं. अवघ्या ०.६८ सेंकदात पंच ख्रिस गॅफनी जमिनीवर आडवे झाले. या चेंडूवर फकरला चौकार मिळाला.

सोशल मीडियावर या क्षणाचे व्हिडिओ व्हायरल झाले आहेत. नेटकरी व्हिडिओ आणि फोटो शेअर करत थोडक्यात वाचल्याच्या कमेंट्स देत आहेत.

T20 WC : गजबच..! पाकिस्तानच्या गोलंदाजानं टाकला दोन टप्पा चेंडू; स्ट्राईकवर असलेल्या वॉर्नरनं दिली ‘अशी’ शिक्षा; पाहा VIDEO

पाकिस्तानचा डाव
कप्तान बाबर आझम आणि मोहम्मद रिझवान यांनी आपल्या फलंदाजीतील सातत्य कायम राखत पाकिस्तानला उत्तम सुरुवात मिळवून दिली. या दोघांनी सातव्या षटकात पाकिस्तानने अर्धशतक फलकावर लावले. बाबरने आक्रमक तर रिझवानने संयमी पवित्रा धारण करत धावफलक हलता ठेवला. १०व्या षटकात ऑस्ट्रेलियाचा फिरकीपटू अॅडम झम्पाने बाबरला झेलबाद केले. बाबरने ५ चौकारांसह ३९ धावा केल्या. बाबर-रिझवान यांनी पहिल्या गड्यासाठी ७१ धावा केल्या. बाबरनंतर फखर झमान मैदानात आला. स्पर्धेत चांगल्या फॉर्मात नसलेल्या जमानला आज सूर गवसला. त्याने रिझवानसोबत अर्धशतकी भागीदारी रचली. १४व्या षटकात ऱिझवानने संघाचे शतक आणि आपले अर्धशतर फलकावर लावले. रिझवानचे हे स्पर्धेतील तिसरे अर्धशतक ठकले. एका कॅलेंडर वर्षात आंतरराष्ट्रीय टी-२० क्रिकेटमध्ये १००० धावा करणारा रिझवान पहिला क्रिकेटपटू ठरला. १८व्या षटकात रिझवान स्टार्कचा बळी ठरला. त्याने ३ चौकार आणि ४ षटकारांसह ६७ धावा केल्या. त्यानंतर पाकिस्तानने आसिफ अली आणि शोएब मलिकला स्वस्तात गमावले. शेवटच्या षटकात जमानने स्टार्कला लागोपाठ दोन उत्तुंग षटकार ठोकत आपले अर्धशतक फलकावर लावले. या षटकात पाकिस्तानने १५ धावा वसूल केल्या. २० षटकात पाकिस्तानने ४ बाद १७६ धावा केल्या. जमानने ३ चौकार आणि ४ षटकारांसह नाबाद ५५ धावा केल्या.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: T20 wc pak vs aus match umpire save his life lay down on ground rmt

Next Story
रसिका , सारा , सुधांशु, आदित्य यांची विजयी सलामी
ताज्या बातम्या