ENG vs AUS: बेन स्टोक्सच्या ‘या’ निर्णयावर वॉन-पीटरसन संतापले; म्हणाले, “मी जर कर्णधार असतो तर…”

पहिल्या दिवशी स्टोक्सने डाव घोषित केला

कसोटी सामन्याच्या पहिल्याच दिवशी इंग्लंडने आपला डाव घोषित केला. कर्णधार बेन स्टोक्सने डाव घोषित करण्याचा संकेत देताच इंग्लंडची धावसंख्या ७८ षटकांत ८ बाद ३९३ अशी होती. जो रूट शतक झळकावल्यानंतर नाबाद खेळत होता. दुसरा कोणताही संघ असता तर त्यांनी धावसंख्या मोठी करण्याचा प्रयत्न केला असता. पण इंग्लंडने हे केले नाही. जो रूट ११८ धावांची इनिंग खेळल्यानंतर नाबाद राहिला.

हेही वाचा: World Father’s Day: शतकवीर उस्मान ख्वाजा लाडक्या लेकीला घेऊन पत्रकार परिषदेत पोहचला आणि…, Video पाहा

वॉन आणि पीटरसन संतापले

इंग्लंडचे दोन माजी कर्णधार मायकेल वॉन आणि केविन पीटरसन यांना डाव घोषित करण्याची रणनीती आवडली नाही. मायकेल वॉन म्हणाला, “मी जर कर्णधार असतो तर कधीही डाव घोषित केला नसता. संघासाठी मला आणखी काही धावा हव्या होत्या, विशेषत: जेव्हा जो रूट क्रीजवर उभा होता. त्याच वेळी, इंग्लिश क्रिकेटमधील सर्वात यशस्वी फलंदाजांपैकी एक केविन पीटरसन म्हणाला, “मला वाटत नाही की ही त्याच्या (बेन स्टोक्स)  सुपीक डोक्यात अशी कल्पना आली असेल. मात्र, याचे खात्रीलायक उत्तर देणे कठीण आहे कारण अजून तो नवीन असून त्याला फारसे पाहिले नाही.

हेही वाचा: ODI WC2023: पाकिस्तानचा आडमुठेपणा! सामन्यांच्या ठिकाणांवरून BCCIवर केला आरोप, म्हणाले, “जाणूनबुजून असे वेळापत्रक…”

काय म्हणाला मायकल वॉन?

इंग्लंडचा माजी कर्णधार मायकल वॉन म्हणाला की, “कुठलाही कर्णधार असा मूर्खपणाचा निर्णय कधीच घेत नाही. विशेषत: जो रूटसारखा खेळाडू संघात असताना मी आधी सल्ला घेतला असता. ४८ वर्षीय वॉन असेही पुढे म्हणाला की, “इंग्लंड एक संदेश देण्याचा प्रयत्न करत होता, जो आधी कुठल्याही संघाने दिला नव्हता. याला जोडूनच पुढे पीटरसन म्हणाला की, “ही विकेट फलंदाजीसाठी चांगली मिळेल. शनिवारी फलंदाजी करणे सर्वोत्तम असेल आणि म्हणूनच मला घोषित करणे आवडले नाही.” यासर्व पार्श्वभूमीवर इंग्लंड संघाचा यष्टीरक्षक फलंदाज जॉनी बेअरस्टोने आपल्या कर्णधाराचा बचाव केला आहे. तो म्हणतो की, “हा एक धाडसी आणि चांगला निर्णय होता. कदाचित त्याच्या या निर्णयाने संघ सामना देखील जिंकू शकतो.”