भन्नाट वेगासह जगभरातल्या फॉम्र्युला-वन शर्यतींवर अधिराज्य गाजवणाऱ्या जर्मनीच्या सेबॅस्टियन वेटेलने पहिल्यांदाच घरच्या मैदानावर ग्रां. प्रि. शर्यत जिंकण्याची किमया साधली. आतापर्यंत जुलै महिन्यात ग्रां. प्रि. शर्यत जिंकू न शकणाऱ्या २६ वर्षीय वेटेलने किमी राइकेइन आणि त्याचा सहकारी रोमेन ग्रोसजनवर निसटत्या फरकाने मात करत अव्वल स्थान पटकावले.
यंदाच्या वर्षांतला हा वेटेलचा चौथा विजय तर कारकीर्दीतील ३०वा विजय ठरला. या विजयासह ड्रायव्हर्स चॅम्पियनशिपमध्ये वेटेलने महत्त्वपूर्ण ३६ गुणांची कमाई केली आहे.