Video : युझवेंद्र चहलने सामन्यादरम्यान हे काय केलं? मैदानात येताच पंचासमोर आला अन्…

हा व्हायरल व्हिडिओ भारतीय डावाच्या तिसऱ्या षटकाचा आहे. पारनेलच्या षटकातील पाचवा चेंडू केएल राहुलने मारला, त्यानंतर फिजिओ मैदानावर आला. यादरम्यान ऋषभ पंत आणि युझवेंद्र चहल यांनीही मैदानात पाणी आणि टॉवेल आणले. यादरम्यान एकीकडे ऋषभ पंत सहकारी खेळाडूंसोबत दिसला, तर दुसरीकडे युझवेंद्र चहल अंपायरसोबत मस्ती करताना दिसला. मस्ती करत असताना युजीने अंपायरला गुडघ्याला मारून त्रास दिला आणि त्याला मुक्की मारताना कॅमेरात कैद झाला. या मजेशीर घटनेचा व्हिडिओ सोशल मीडियावर व्हायरल होत आहे.

ऑस्ट्रेलियात खेळल्या जाणाऱ्या टी-२० विश्वचषकात युझवेंद्र चहलला अद्याप आपली फिरकी दाखवण्याची संधी मिळालेली नाही. वास्तविक, ऑस्ट्रेलियाच्या स्थितीचा स्पिनरला फारसा फायदा मिळत नाही, तर दुसरीकडे, युझवेंद्र चहल भारतीय संघाच्या प्लॅन आणि प्लेइंग इलेव्हनमध्ये फिट दिसत नाही.

पर्थमध्ये खेळल्या जाणार्‍या सामन्याबद्दल बोलायचे झाले तर, येथे भारतीय संघाने नाणेफेक जिंकून प्रथम फलंदाजी करण्याचा निर्णय घेतला. त्यानंतर भारतीय फलंदाज दक्षिण आफ्रिकेच्या वेगवान आक्रमणासमोर झुंजताना दिसले. सूर्यकुमार यादवने कठीण काळात ६८ धावांची शानदार खेळी खेळली, पण बाकीचे फलंदाज त्याला साथ देऊ शकले नाहीत, त्यामुळे संघाची धावसंख्या १३३ धावांपर्यंतच पोहोचली. लुंगी एनगिडीने ४, तर वेन पारनेलने ३ बळी घेतले.

हेही वाचा – T20WC 2022 : ‘जो गेम सोबत जो गेम करेल… ; IND vs SA सामन्यावर पाकिस्तानच्या माजी खेळाडूचे मोठं वक्तव्य