विजय हजारे करंडक : महाराष्ट्राची बंगालवर मात, कर्णधार राहुल त्रिपाठीची शतकी खेळी

अवश्य वाचा – BLOG: आशा-निराशेच्या चौकोनात भारतीय क्रिकेट!!

महाराष्ट्राकडून अनुपम संकलेचा, श्रीकांत मुंढे आणि सत्यजित बच्छाव यांनी प्रत्येकी २-२ बळी घेतले. बंगालने विजयासाठी दिलेलं आव्हान महाराष्ट्राचा संघ पेलू शकेल की नाही यावर सुरुवातीला शंका निर्माण केली जात होती. मात्र ऋतुराज गायकवाड आणि विजय झोल या महाराष्ट्राच्या सलामीवीरांनी डावाची सुरुवात आक्रमक केली. विशेषकरुन ऋतुराजने काही सुरेख फटके खेळत संघावरच दडपण कमी केलं. मात्र विजय झोल माघारी परतल्यानंतर कर्णधार राहुल त्रिपाठीने सामन्याची सुत्र आपल्याकडे घेत नाबाद शतक झळकवत संघाचा विजय निश्चीत केला. महाराष्ट्राची जमलेली जोडी फोडण्यासाठी बंगालचा कर्णधार मनोज तिवारीने तब्बल ८ गोलंदाजांना संधी दिली मात्र त्याला यामध्ये यश आलं नाही.

संक्षिप्त धावफलक – बंगाल : ९/२९३, अभिमन्यु इश्वरन १०३, मनोत तिवारी ८० नाबाद. अनुपम संकलेचा २/३९, सत्यजित बच्छाव २/४८ विरुद्ध महाराष्ट्र राहुल त्रिपाठी १२५ नाबाद, ऋतुराज गायकवाड ७७. सयान घोष १/३६. निकाल – महाराष्ट्र ७ गडी राखून विजयी