धोनी, रोहितनंतर विराटला कन्यारत्न; अमिताभ बच्चन यांनी केलं हटके ट्विट

अमिताभ यांनी एक फोटो पोस्ट केला. या फोटोत भारतीय संघातील विविध क्रिकेटपटूंची नावं होती. विशेष म्हणजे या यादीत अशाच क्रिकेटपटूंची नावं होती ज्यांना कन्यारत्न प्राप्ती झाली आहे. ही यादी धोनी, रैना यांच्यापासून सुरू झाली. यात रोहित, शमी, अश्विन, अजिंक्य रहाणे या साऱ्यांचीही नावं आहेत. या यादीतच्या शेवटी विराटचं नाव जोडण्यात आलं आहे. आणि, भारताचा भविष्यातील महिला क्रिकेट संघ तयार होत असल्याचं लिहिलं आहे. इतकंच नव्हे, तर अमिताभ यांनी फोटोसोबत कॅप्शन जोडलं असून त्यात धोनीची मुलगी या संघाची कर्णधार असेल का? असा मजेशीर सवाल केला आहे.

T 3782 – An input from Ef laksh ~

“… and Dhoni also has daughter .. will she be Captain ? ” pic.twitter.com/KubpvdOzjt

— Amitabh Bachchan (@SrBachchan) January 13, 2021

दरम्यान, अमिताभ महिला संघाच्या भविष्याबाबत बोलत असले तरी सध्या ऑस्ट्रेलियात सुरू असलेल्या कसोटी मालिकेत भारतीय खेळाडूंची परिस्थिती बिकट आहे. भारताने मालिकेच्या सुरूवातीला दोन-तीन खेळाडूंना दुखापतीमुळे संघाबाहेर केल असताना आता चौथ्या कसोटीआधी सहा ते सात खेळाडू दुखापतग्रस्त झाल्याची माहिती आहे. अशा परिस्थितीत शेवटच्या कसोटीत भारतीय संघ कोणत्या खेळाडूंसोबत मैदानात उतरतो हे पाहणे औत्स्युक्याचं असणार आहे.