‘सचिनपेक्षा विराट चांगला खेळतो’

संकट काळात विराट हा सचिनपेक्षा कितीतरी पटीने चांगला खेळाडू असल्याचे सिद्ध होते, असे इम्रान खान यांनी हिंदुस्तान टाईम्सला दिलेल्या मुलाखतीत म्हटले. क्रिकेटमध्ये अनेक युग आपण पाहिले. ८० च्या दशकात विवियन रिचर्ड्स होते, त्यानंतर ब्रायन लारा आणि सचिन तेंडुलकरने आपल्यातील कौशल्य सिद्ध करून दाखवले. मी आजवर ज्या खेळाडूंना पाहिले आहे त्यामध्ये विराट कोहली हा विविधता असलेला खेळाडू आहे. तो दोन्ही पायांचा उपयोग करून मैदानाच्या चारही बाजूंना उत्कृष्टरित्या खेळतो, असे इम्रान खान म्हणाले. विराटकडे आक्रमकपणा असला तरी त्याच्यात परिस्थिती हाताळण्याची कला आहे. परिस्थिती हाताळण्याच्या कौशल्यामुळेच तो सचिनपेक्षा उजवा ठरतो, असेही खान पुढे म्हणाले.