२०११ च्या विश्वचषकात रोहित शर्माला डच्चू का दिला? १२ वर्षांनंतर झाला खुलासा, भारताचा माजी निवडकर्ता म्हणाला,”धोनीनं…”

त्यावेळी रोहित शर्माला संघात न घेतल्यानं सर्वांनाचा आश्चर्याचा धक्का बसला होता. कारण रोहितचा नेहमीच वनडे क्रिकेटमध्ये सक्रीय सहभाग असायचा. तसंच २००७ च्या विश्वचषक विजेत्या टीम इंडियात रोहित शर्मा सामीला होता. रेव स्पोर्ट्सशी बोलताना वेंकेट यांनी म्हटलं की, “जेव्हा आम्ही संघ निवडीबाबत चर्चा करत होतो, त्यावेळी रोहित शर्मा खेळाडूंच्या सिलेक्शनच्या रेसमध्ये होता. जेव्हा आम्ही संघाची निवड प्रक्रिया सुरु केली, त्यावेळी १ ते १४ पर्यंतच्या सर्व खेळाडूंना सामील केलं. रोहित शर्मा १५ वा खेळाडू असेल, असाही पर्याय दिला.”

नक्की वाचा – ODI World Cup 2023: टीम इंडियाच्या ‘गंभीर’ परिस्थितीवर गौतमने दिली प्रतिक्रिया, शास्त्रींचा समाचार घेत म्हणाला, “डावखुरे फलंदाज…”

“गॅरी कर्स्टन यांना वाटलं की, हा सर्वात चांगला पर्याय आहे. परंतु, एम एस धोनीनं त्यावेळी बदल करण्याची मागणी केली. त्यांना रोहित शर्माच्या जागेवर पीयूष चावलाला संधी द्यायची होती. त्यानंतर गॅरी कर्स्टन यांनी तो निर्णय बदलून कर्णधार धोनीच्या रणनितीला हिरवा कंदील दाखवला. धोनीचं समर्थन करत गॅरी म्हणाले की, पीयुषचा पर्यायही चांगला आहे. यामुळेच रोहित शर्माला संघात जागा मिळाली नाही.”