WTC Points Table: दक्षिण आफ्रिकेच्या विजयाने WTC च्या गुणतालिकेत बदल, न्यूझीलंड संघाला बसला फटका तर टीम इंडिया टेन्शनमध्ये

आफ्रिकन संघाने बांगलादेश आणि दक्षिण आफ्रिका यांच्यातील चट्टोग्रामच्या मैदानावर खेळला गेलेला दुसरा कसोटी सामना अवघ्या तिसऱ्या दिवशी जिंकला. यात सघाने एक डाव आणि २७३ धावांनी विजय मिळवत मालिकाही नावे केली. या विजयानंतर दक्षिण आफ्रिकेचा संघ गुणतालिकेत चौथ्या स्थानी पोहोचला आहे. यासह त्यांची टक्केवारी ५४.१७ वर आली आहे.

हेही वाचा – Rohit Sharma: “मी निवृत्ती घेतल्यानंतर या क्रमांकावर…”, रोहित शर्माने सूर्या-हार्दिकपेक्षा कमी रिटेंशन किंमत मिळाल्यानंतर केले मोठे वक्तव्य, पाहा VIDEO

भारताविरुद्धच्या तीन सामन्यांच्या कसोटी मालिकेतील २ सामने आधीच जिंकलेल्या न्यूझीलंड संघाला फटका बसला असून संघ पाचव्या स्थानी घसरला आणि आता त्यांची टक्केवारी ५० टक्के आहे. याशिवाय बांगलादेशचा संघ क्लीन स्वीपचा सामना केल्यानंतर २७.५० गुणांच्या टक्केवारीसह ८व्या क्रमांकावर आहे.

हेही वाचा – IPL 2025 Retention: रिटेंशननंतर कोणत्या संघाकडे किती रक्कम शिल्लक? या संघाच्या खात्यात तर तब्बल ११० कोटी

डब्ल्यूटीसी पॉइंट्स टेबलमध्ये भारतीय संघ अजूनही ६२.८० गुणांच्या टक्केवारीसह पहिल्या स्थानावर आहे, तर ऑस्ट्रेलियन संघ ६२.5५० गुणांच्या टक्केवारीसह दुसऱ्या स्थानावर आहे. अवघ्या काही गुणांनी पहिल्या स्थानी असलेल्या भारतीय संघाला अपेक्षित अशी कामगिरी करावी लागणार आहे. भारताला पहिले स्थान कायम राखण्यासाठी किवी संघाविरुद्ध मुंबईत होणाऱ्या कसोटी सामन्यात विजय मिळवण्यासाठी सर्वतोपरी प्रयत्न करावे लागतील. जसप्रीत बुमराह आजारी असल्याने तो या कसोटी सामन्यात खेळताना दिसणार नाही. त्यामुळे मुंबईच्या मैदानावर गोलंदाज कशी कामगिरी करतात याकडे सर्वांचे लक्ष असणार आहे. तर दुसऱ्या स्थानी असलेला ऑस्ट्रेलियाचा संघ २२ नोव्हेंबरपासून घरच्या मैदानावर भारताविरूद्ध पाच सामन्यांची कसोटी मालिका खेळणार आहे.