त्रिकोणासन

कसे करावे?

• सरळ उभे राहा. दोन्ही पायांमध्ये तीन ते चार फूट अंतर ठेवा.
• उजवे पाऊल ९० अंशामध्ये आणि डावे पाऊल १५ अंशामध्ये उजवीकडे फिरवा.
• दोन्ही पावलांची पकड जमिनीवर घट्ट आहे याची खात्री करून घ्या.
• एक दीर्घ श्वास आत घेऊन श्वास सोडत उजवीकडे झुकताना दोन्ही हात सरळ एका रेषेत ठेवा आणि उजवा हात जमिनीकडे आणि डावा हात हवेत सरळ येऊ द्या.
• असे करताना कंबर वाकली नाही पाहिजे. शक्य होईल असा उजवा हात उजव्या पायाच्या नडगीवर, घोटय़ावर किंवा जमिनीवर पायाजवळ टेकवा.
• श्वासाची गती सामान्य ठेवून जेवढा वेळ शक्य असेल, तेवढा वेळ या स्थितीत थांबून राहायचे आहे. नंतर श्वास घेत हळूहळू पूर्वस्थितीत या. त्यानंतर हेच आसन दुसऱ्या बाजूने करा.