News Flash

फेसबुकवर ‘टाईमपास’ करणाऱ्यांची वेळ घटली!

फेसबुकनेच केलेल्या अहवालातून समोर आलं आहे

( प्रतिकात्मक छायाचित्र )

फेसबुक ही जगभरात सर्वाधिक वापरली जाणारी सोशल मीडिया नेटवर्किंग साईट आहे. पण असं असले तरी फेसबुकवर सर्वात जास्त वेळ ऑनलाइन असण्याचा युजर्सचा कालावधी घटला असल्याचं फेसबुकनं केलेल्या सर्वेक्षणातून समोर आलं आहे. लोक फेसबुकवर आता पुर्वी सारखे जास्त वेळ व्यतीत करत नसल्याचं फेसबुकनं म्हटलं आहे.

हा वेळ घटण्याचं कारण न्यूज फिडमध्ये फेसबुकनं केलेला बदल असू शकतो असंही सांगण्यात येत आहे. या नव्या बदल्यामुळे फेसबुकवर आता कमीत कमी व्हायरल व्हिडिओ दाखवण्यात येत आहे. फेसबुकवर जास्त वेळ व्यतीत करणाऱ्यांची संख्या घटली असली तरी फेसबुकवर मात्र याचा फारसा परिणाम होत नसल्याचं कंपनीनं स्पष्ट केलं आहे. फेसबुकवर पूर्वी जास्तीत जास्त वेळ घालवून ‘टाईमपास’ करणाऱ्यांची संख्या कमी झाली असली तरी दरदिवशी लाखो लोक फेसबुकद्वारे एकमेकांशी जोडले जात असेही फेसबुकनं आपल्या सर्वेक्षणात म्हटलं आहे.
फेसबुकचा मुळ उद्देश हा लोकांना एकमेकांशी जोडणं आहे, त्यामुळे फेसबुक वापरणं युजर्सना अधिक सुलभ व्हावं यावर आम्ही पुढच्या काळात लक्ष केंद्रीत करणार असल्याचं मार्क झकरबर्गनं एका मुलाखतीत सांगितलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 2, 2018 12:17 pm

Web Title: facebook users spent less time on the site
Next Stories
1 जिलेबीची जगभ्रमंती
2 अल्झायमर्सचे अचूक निदान करणारी रक्तचाचणी विकसित
3 नोकिया ३३१० आता ४जीमध्ये
Just Now!
X