News Flash

सोन्याची थाळी कशाला? ‘आयपॅड’ च्या थाळीवर जेवा की

चक्क आयपॅडमध्ये जेवण वाढले जाते

सॅन फ्रॅसिस्कोमध्ये क्विन्स नावाचे हॉटेल आहे. जिथे जो कोणी ग्राहक जेवायला आला की त्याला आपण राजाच आहोत असे वाटल्याशिवाय राहणार नाही

कोणी चांदीच्या ताटात जेवतं तर कोणी सोन्याच्या.. आपण बाबा सामान्य माणसं.. दोन वेळचं पोटभर जेवायला मिळतंय हे नशीब. मग अॅल्यूमिनयमचे ताट असो की केळीचे पान असो आपल्याला सगळेच सारखे. चांदी किंवा सोन्याच्या ताटात जेवण्याचे शौक बड्या लोकांचे. चांदीची, सोन्याची, चीनी मातीची, काचेची थाळी वगैरे सोडाच पण एक हॉटेल असेही आहे जिथे चक्क आयपॅडवर जेवण वाढले जाते. ‘आयपॅड’ हा शब्द वाचून तुम्हाला धक्का बसला असेल. पण हे खरं आहे. आता आयपॅडची किंमत तुम्हा आम्हाला माहिती असलेच त्यामुळे असा प्रकार वाचून धक्का बसणे साहाजिक आहे. पण, सॅन फ्रॅन्सिस्कोमध्ये एक हॉटेल आहे जिथे खरंच आयपॅडवर जेवण वाढले जाते

Viral : ‘येथे’ कमोडमध्ये वाढले जाते जेवण

सॅन फ्रॅन्सिस्कोमध्ये ‘क्विन्स’ नावाचे हॉटेल आहे. जिथे जो कोणी ग्राहक जेवायला आला की त्याला आपण राजाच आहोत असे वाटल्याशिवाय राहणार नाही, कारण येथे ग्राहकाला चक्क आयपॅडमध्ये जेवण वाढले जाते. आता वीस हजारांहून अधिक किंमत असलेल्या आयपॅडवर आपल्याला जेवायला मिळते हे काही राजापेक्षा कमी आहे का? या हॉटेलची एक खास डिशही आहे. या डिशचे नाव आहे ‘अ डॉग इन सर्च ऑफ गोल्ड’ आता यात काय बरं असेल याची उत्सुकता तुम्हालाही असेल. आता या पदार्थाच्या चवीबद्दल आपल्याला काही महिती नाही, पण हा पदार्थ म्हणे आयपॅडमध्येच वाढला जातो. हा पदार्थ वाढल्यावर आयपॅडवर व्हिडिओ प्ले केला जातो. ज्यात एक कुत्रा म्हणे काहीतरी शोधत असतो. आता हा प्रकार पाहून आपण डोक्यावर हात मारला असता. पण असो चालायचंच! जगात काहीतरी हटके करणारेही असतातच म्हणा म्हणूनच तर अशी हॉटेल प्रसिद्ध होतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 2, 2017 1:26 pm

Web Title: hotel in san fransisco serve food on ipad
Next Stories
1 वायफाय नेटवर्क सुरक्षित ठेवण्यासाठी ‘या’ गोष्टी करा
2 काही सेकंदात झोपी जाण्यासाठी हा उपाय करुन पाहा
3 भूमध्यसागरी आहाराचा मेंदूवर सकारात्मक परिणाम
Just Now!
X