26 October 2020

News Flash

किंमत ९ हजारांहून कमी, ‘या’ दिवशी पुन्हा आहे ‘स्वस्त’ स्मार्टफोनचा सेल

कमी किंमतीत जबरदस्त फीचर्स...

इन्फिनिक्स (Infinix) या बजेट स्मार्टफोन बनवणाऱ्या कंपनीने काही दिवसांपूर्वी भारतात आपले दोन स्वस्त स्मार्टफोन Infinix hot 9 आणि Infinix Hot 9 Pro लाँच केले. यापैकी Infinix hot 9 या स्मार्टफोनच्या विक्रीसाठी सोमवारी(दि.८) पहिल्यांदा भारतात सेलचं आयोजन करण्यात आलं होतं. कमी किंमतीत दमदार फीचर्स असल्याने फ्लिपकार्टवर दुपारी 12 वाजेपासून सेलला सुरूवात झाल्यानंतर थोड्याच वेळात हा फोन ‘आउट ऑफ स्टॉक’ झाला होता. पण आता हा स्मार्टफोन पुन्हा एकदा सेलमध्ये उपलब्ध असणार आहे.

जाणून घेऊया काय आहे Infinix Hot 9 ची खासियत?:-
इन्फिनिक्स हॉट 9 (infinix hot 9) हा फोन म्हणजे गेल्या वर्षी आलेल्या इन्फिनिक्स हॉट 8 या स्मार्टफोनची पुढील आवृत्ती आहे. कमी किंमतीत ‘क्वाड रिअर कॅमेरा’ सेटअप आणि दमदार बॅटरी ही फोनची खासियत आहे. फोनच्या मागील बाजूला 13 मेगापिक्सलच्या मुख्य कॅमेऱ्यासह चार कॅमेऱ्यांचा सेटअप आहे. तर 8MP च्या सेल्फी कॅमेऱ्यासह एकूण पाच कॅमेरे या फोनमध्ये आहेत. पंच होल डिस्प्ले असलेल्या या फोनची डिझाइनही एखाद्या महागड्या फोनप्रमाणे आहे.या फोनमध्ये 6.6 इंचाचा एचडी प्लस डिस्प्ले असून मीडियाटेक हीलियो पी22 प्रोसेसर देण्यात आले आहे. स्मार्टफोनमध्ये 4 जीबी रॅम व 64 जीबी स्टोरेज आहे. माइक्रोएसडी कार्डद्वारे स्टोरेज 256 जीबीपर्यंत वाढवता येणं शक्य आहे. फिंगरप्रिंट सेंसर हे फीचर असलेल्या या फोनमध्ये ड्युअल सिम कार्ड सपोर्ट असून हा फोन अँड्रॉइड 10 वर कार्यरत आहे. स्मार्टफोनमध्ये 5000mAh क्षमतेची दमदार बॅटरीही देण्यात आली आहे. तर, कनेक्टिव्हिटीसाठी यामध्ये 4जी व्हीओएलटीई, वाय-फाय, ब्लूटूथ 5, जीपीएस/ए-जीपीएस आहे.

पुन्हा कधी आहे सेल आणि किंमत काय?:-
इन्फिनिक्स हॉट 9 च्या 4 जीबी रॅम व 64 जीबी स्टोरेज व्हेरिअंटची किंमत कंपनीने 8,499 रुपये ठेवली आहे. Flipkart वर दिसत असलेल्या बॅनरनुसार हा फोन 15 जून रोजी सेलमध्ये पुन्हा उपलब्ध होणार आहे. 15 जून रोजी दुपारी 12 वाजेपासून हा फोन सेलमध्ये उपलब्ध असेल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 11, 2020 5:02 pm

Web Title: infinix hot 9 next sale date on flipkart get price specifications and all other details sas 89
Next Stories
1 Xiaomi ने भारतात लाँच केले दोन शानदार लॅपटॉप, जाणून घ्या किंमत आणि फीचर्स
2 दोन वर्षांच्या शोधानंतर आनंद महिंद्रांनी केली ‘या’ स्टार्टअपमध्ये १ दशलक्ष डॉलर्सची गुंतवणूक
3 मान्सूनमुळे करोनाचा संसर्ग कमी होईल का?
Just Now!
X