Weight Loss: उन्हाळ्यात वजन कमी करायचे असेल तर नाश्तामध्ये ‘या’ ६ सुपरफूडचा करा समावेश

प्रथिने, फायबर आणि कमी चरबीयुक्त पदार्थांचा आहारात समावेश करून जलद वजन कमी करता येते. वजन नियंत्रित ठेवण्यासाठी उन्हाळ्यातील काही सुपरफूड्स आहेत, त्यांचे सेवन केल्यास वजन लवकर कमी होते. तज्ज्ञांच्या मते, आहारातील काही पदार्थांमध्ये कॅलरीज कमी करण्याचा सर्वात सोपा उपाय म्हणजे फळे आणि भाज्यांचे सेवन वाढवणे.

कॅलरी कमी असण्याव्यतिरिक्त, फळे आणि भाज्यांमध्ये भरपूर जीवनसत्त्वे, खनिजे, अँटी-ऑक्सिडंट्स आणि फायबर असतात. तज्ज्ञांच्या मते, संत्री, ताजी बेरी, खरबूज, हिरव्या भाज्या, टोमॅटो, काकडी, बीट्स, मटारच्या शेंगा ही सर्व अति पौष्टिक आणि कमी-कॅलरी फळे आणि भाज्या आहेत, जे जलद वजन कमी करण्यास मदत करतात. चला जाणून घेऊया उन्हाळ्यात वजन कमी करण्यासाठी कोणते पदार्थ खावेत.

थंड सूपचे सेवन करा

उन्हाळ्यात थंड सूप पिणे चांगले. या सूपमध्ये कॅलरीज कमी असतात. सूप बनवण्यासाठी तुम्ही काकडी, ओवा अशा काही भाज्यांचे सेवन करू शकता. बर्‍याच संशोधनांमध्ये हे समोर आले आहे की थंड भाज्यांचे सूप तुम्हाला कमी कॅलरी देते आणि भूक शांत करते. त्यांचे सेवन केल्याने वजन नियंत्रणात राहते.

टरबूज खा

उन्हाळ्यात टरबूजचे रसरशीत तुकडे खायला खूप मजेदार दिसतात. टरबूजमध्ये भरपूर पाणी असते जे उन्हाळ्यात शरीराला हायड्रेट ठेवते तसेच पाण्याची तहान भागवते. टरबूज खाल्ल्याने भूक कमी लागते आणि आपण कमी खातो त्यामुळे वजन नियंत्रणात राहते.

अंड्यामुळे वजन नियंत्रणात राहते

अंडी हे असे सुपरफूड आहे की त्याचे सेवन केल्यास शरीरातील प्रथिने, जीवनसत्त्वे आणि खनिजांची कमतरता पूर्ण होते. अंडी खाल्ल्यानंतर भूक कमी लागते आणि वजनही नियंत्रणात राहते. तुम्ही अंड्याचे ऑम्लेट बनवून किंवा नाश्त्यात उकडलेली अंड्याचे सेवन करू शकतात.

ग्रील्ड भाज्या खा

उन्हाळ्यात ग्रील्ड भाज्यांचे सेवन केल्याने पचन सुरळीत राहते, उष्णतेपासून आराम मिळतो, शरीर हायड्रेट राहते तसेच वजनही नियंत्रणात राहते. उन्हाळ्यात तुम्ही ग्रील्ड कांदे, भोपळी मिरची, गाजर, वांगी आणि लसूण खाऊ शकता. या भाज्यांचा वापर तुम्ही ग्रील्ड व्हेजिटेबल आणि चीज सॅलड्स, ग्रील्ड व्हेजिटेबल पिझ्झा आणि पास्ता बनवण्यासाठी करू शकता.

स्मूदीज उष्णतेपासून आराम देईल

उन्हाळ्यात ताज्या फळांपासून तयार केलेल्या स्मूदीजमुळे शरीर थंड राहते, तसेच वजनही नियंत्रित राहते. वजन नियंत्रित करण्यासाठी तुम्ही खरबूज, टरबूज, ब्लूबेरी, आंबा, केळी आणि इतर फळांचे स्मूदी बनवू शकता आणि पिऊ शकता. या स्मूदीजचे सेवन केल्याने तुमचे वजन नियंत्रणात राहते, भूक शांत राहते.

नाश्त्यामध्ये ओट्सचा समावेश करा

उन्हाळ्यात नाश्त्यात ओट्स घेणे उत्तम. कमी कॅलरी असलेल्या ओट्समध्ये प्रथिने आणि फायबर मुबलक प्रमाणात असतात जे वजन कमी करण्यास मदत करतात. ओट्समध्ये फळे आणि नट घालून तुम्ही याचे सेवन करू शकता.