May 2022 Bank Holidays: बँकशी संबंधीत तुमचे काही महत्त्वाचे काम असल्यास त्याचे आधीच नियोजन करा, कारण मे महिन्यात महाराष्ट्रात नऊ दिवस सुट्टी असणार आहे. तुमच्या कामाचा खोळंबा होऊ नये म्हणून आम्ही सुट्ट्यांची यादी देत आहोत. नुकतंच आरबीआयने म्हणजे रिझर्व्ह बँक ऑफ इंडियाकडून बँक सुट्ट्यांची यादी जाहीर केली गेली आहे. संपूर्ण मे महिन्यात प्रत्येक राज्यात किती सुट्ट्या आहेत हे या यादीत जाहीर केलेलं आहे. प्रत्येक राज्यातील सणांनुसार बँका बंद राहतात. त्यामुळे त्यानुसार योजना आखूनच तुम्ही बँकेमध्ये जा. करोना काळात विविध बँकांची कामं सध्या ऑनलाइन सुरू आहे. ग्राहकांनी देखील ऑनलाइन प्रणालीचा वापर त्यांच्या दैनंदिन बँकिंग कामासाठी करण्यास सुरुवात केली आहे. दरम्यान तरी देखील तुम्हाला काही आवश्यक कामासाठी बँकेत जाण्याची आवश्यकता असेल तर बँकाच्या सुट्ट्या तपासूनच बँकेला भेट द्या.
सुट्ट्यांची यादी
१ मे : महाराष्ट्र दिन, कामगार दिवस आणि रविवार असल्यामुळे मे महिन्याच्या पहिल्याच दिवशी बॅंकेला सुट्टी असणार आहे.
३ मे : रमजान ईद असल्याने यादिवशी बॅंक बंद राहील.
८ मे : रविवार असल्याने यादिवशी बॅंकेला साप्ताहिक सुट्टी असेल.
१४ मे : शनिवार साप्ताहिक सुट्टी
१५ मे : रविवार साप्ताहिक सुट्टी
१६ मे : बुद्ध पौर्णिमा असल्याने या दिवशी बॅंकेला सुट्टी असणार आहे.
२२ मे : रविवार असल्याने यादिवशी बॅंकेला साप्ताहिक सुट्टी असेल.
२८ मे : शनिवार साप्ताहिक सुट्टी
२९ मे : रविवार साप्ताहिक सुट्टी
