अजिबात दुर्लक्ष करू नका! फक्त डोकेदुखी नव्हे, ब्रेन ट्यूमरची शरीरात दिसतात ‘ही’ लक्षणे, लगेच काळजी घ्या नाही तर…

ब्रेन ट्यूमरमध्ये मेंदूच्या सभोवतालच्या रक्तपेशी अनियंत्रितपणे वाढू लागतात. कधी कधी ते इतके पसरतात की, ते मेंदूपासून शरीराच्या इतर भागांमध्येही पसरू लागतात. मेंदूच्या आजूबाजूच्या रक्तपेशी आणि डीएनएमध्ये अनेक धोकादायक बदलांमुळे ब्रेन ट्यूमरचा धोका वाढतो.

एचसीजी कॅन्सर सेंटर कुलाबा येथील कन्सल्टंट न्यूरोलॉजिस्ट डॉ. आदित्य गुढाटे सांगतात की, झोपेचा त्रास हा केवळ थकवा किंवा मानसिक तणावामुळे होत नाही. तो मेंदूतील वाढणाऱ्या ट्यूमरचा इशाराही असू शकतो. काही रुग्णांमध्ये झोप न लागणे, वारंवार रात्री जाग येणे, दिवसभर थकवा व नीट लक्ष केंद्रित न होणे ही लक्षणे दिसून येतात.

त्यासोबतच काही रुग्णांमध्ये अत्यधिक झोप येणे, दिवसभर सुस्ती, स्मरणशक्ती कमी होणे आणि चालताना चक्कर येऊन पडण्याचे प्रकारही घडतात. ही लक्षणे विशेषतः त्यांच्यात अधिक दिसून येतात ज्यांना आधीपासूनच कॅन्सर आहे. कारण- कधी कधी शरीरातील दुसऱ्या भागातील कॅन्सरही मेंदूपर्यंत पोहोचून ट्यूमर तयार करू शकतो.

लक्षणांकडे दुर्लक्ष करू नये?

डॉ. गुढाटे यांच्यानुसार, झोपेची सततची समस्या, डोकेदुखी, मिरगीचे झटके, नजर कमकुवत होणे, वजनात अचानक घट, हे सर्व रेड फ्लॅग सिग्नल्स आहेत. ही लक्षणे दिसल्यास तत्काळ ब्रेन ट्यूमरची तपासणी करणे गरजेचे आहे.

उपचार काय आहेत?

ब्रेन ट्यूमरचे लवकर निदान झाल्यास न्यूरोसर्जरी, रेडिओथेरपी, केमोथेरपीसारखे पर्याय उपलब्ध आहेत. झोपेच्या तक्रारीसाठीही औषधोपचार असले तरी सर्वप्रथम ‘स्लीप हायजिन’ म्हणजे झोपेच्या सवयी सुधारण्याचा सल्ला दिला जातो. त्यामध्ये नियमित वेळेवर झोपणे, झोपण्याआधी मोबाईल, टीव्हीपासून दूर राहणे, कॅफिन टाळणे हे उपाय उपयुक्त ठरतात.