How to reduce cholesterol: एक डाळिंब आणि १०० आजारांवर उपचार असं म्हणणं चुकीचं ठरणार नाही. लालसर रंगाचे डाळिंबाचे दाणे फक्त पाहायला सुंदर नसतात तर ते आरोग्यासाठीही फायदेशीर असतात. रोज डाळिंब खाल्लं किंवा त्याचा रस प्यायला तर रोगप्रतिकारक शक्ती वाढते आणि आजारांपासून बचाव होतो.
डाळिंबाच्या दाण्यांमध्ये औषधी गुण असतात. व्हिटॅमिन्स, अँटिऑक्सिडंट्स आणि खास घटकांमुळे डाळिंब खाल्ल्याने ताण कमी होतो आणि हृदयाचं आरोग्य सुधारतं. रोज डाळिंब खाल्ल्याने शरीरातील सूज कमी राहते आणि पचन नीट होतं. डायबिटीजच्या रुग्णांनी डाळिंब खाल्लं तर इन्सुलिनची कार्यक्षमता सुधारते आणि रक्तातील साखर नियंत्रणात राहते. आता प्रश्न असा आहे की, हे फायदेशीर दाणे हृदयाचं आरोग्य कसं सुधारतात?
खरंच डाळिंब इतकं सामर्थ्यवान आहे का? आयुर्वेद आणि युनानी औषधांचे तज्ज्ञ डॉ. सलीम जैदी सांगतात की डाळिंब हे एक ताकदवान फळ आहे जे अनेक आजारांवर एकत्रित उपचार करतं. हे असं फळ आहे जे हृदयाला निरोगी ठेवतं.
डॉ. जैदी सांगतात की डाळिंबाचं नियमित सेवन केल्याने कोलेस्ट्रॉलची पातळी नियंत्रणात राहते, जी हृदयविकाराचं एक मुख्य कारण आहे. रोज एक डाळिंब खाल्लं किंवा त्याचा रस प्यायला तर हृदयाच्या धमन्यांमध्ये (arteries) साचलेली चरबी आणि घाण हळूहळू कमी होऊ लागते. त्यामुळे रक्तप्रवाह सुधारतो आणि हृदय व्यवस्थित काम करतं. चला तर मग जाणून घेऊ या डाळिंबामध्ये असे कोणते पोषक घटक आणि औषधी गुण आहेत जे कोलेस्ट्रॉल कमी करण्यात आणि हृदय निरोगी ठेवण्यात मदत करतात.
वैज्ञानिक दृष्टीने पाहूया डाळिंबाचा रस कोलेस्ट्रॉल कसा नियंत्रणात ठेवतो… (Cholesterol Foods)
डाळिंबाचा रस वाईट कोलेस्ट्रॉल कमी करून धमन्यांमध्ये चरबीची परत (फॅटी प्लाक) तयार होण्याची प्रक्रिया मंदावतो. एका अभ्यासात कॅरोटिड आर्टरी स्टेनोसिस असलेल्या रुग्णांचं निरीक्षण केलं गेलं. ज्यांनी एक वर्ष रोज डाळिंबाचा रस प्यायला त्यांच्यात धमन्यांच्या भिंतीची जाडी खूप कमी झाली. संशोधनानुसार ज्यांनी रस प्यायला नाही त्यांच्यापेक्षा रस पिणाऱ्यांमध्ये जाडी ३०% कमी आढळली. वैज्ञानिकांचं म्हणणं आहे की या प्रक्रियेमुळे धमन्यांमध्ये ब्लॉकेज होण्याची शक्यता कमी होते आणि रक्तप्रवाह चांगला राहतो.
डाळिंबाचा रस हृदयाचं आरोग्य कसं सुधारतो? (Pomegranate For Cholesterol)
डाळिंब हे असं फळ आहे ज्यामध्ये दाहक-विरोधी (anti-inflammatory) गुण असतात जे हृदयासाठी फायदेशीर आहेत. हे फळ हृदयातील सूज कमी करतं आणि हृदय निरोगी ठेवतं. हे फळ रक्तदाब सामान्य करतं आणि वाईट कोलेस्ट्रॉलही कमी करतं. डाळिंबाचा रस प्यायल्यानं हृदय व रक्तवाहिन्यासंबंधी (cardiovascular) आजारांपासून बचाव होतो. डाळिंबात असलेले पॉलीफेनॉल (polyphenol) सारखे अँटिऑक्सिडंट्स LDL (वाईट कोलेस्ट्रॉल) ऑक्सिडाइज होण्यापासून वाचवतात, त्यामुळे धमन्यांमध्ये चरबीची परत (प्लाक) तयार होण्याची प्रक्रिया मंदावते. डाळिंबाचा रस प्यावा किंवा दाणे खावे- हे फळ प्लाक कमी करण्यासाठी, अँटिऑक्सिडेशनसाठी आणि धमन्यांचं आरोग्य टिकवण्यासाठी मदत करतं.
