Drinking Cold Water Lead To Weight Gain?: सध्या वजन वाढीची समस्या सगळ्यांनाच सतावते आहे. आजकाल बहुतेकजण आपले वाढते वजन कमी करण्याच्या प्रयत्नांत असतात. वजन कमी करण्यासाठी सगळेचजण आपापल्या परीने काही ना काही उपाय करत असतात.यासारख्या अनेक गोष्टींमध्ये आपण बरेचदा हे देखील ऐकतो की, फ्रिजमधील थंड पाणी प्यायल्याने वजन वाढते. यासाठी आपण वजन कमी करताना थंड पाणी पिणे टाळतो. परंतु खरंच थंड पाणी प्यायल्याने वजन वाढतं असेल का ? असा प्रश्न आपल्याला पडतो. पाणी हे तहान भागवण्याचे सर्वोत्तम साधन आहे, परंतु आपल्यापैकी काही जण ते सहजतेने पितात, तर काहींना त्यांचा दैनंदिन कोटा पूर्ण करण्यासाठी आवर्जून प्रयत्न करावा लागतो. दरम्यान यामध्ये सर्वात लोकप्रिय गैरसमजांपैकी एक म्हणजे थंड पाणी पिण्याने वजन वाढू शकते. पण खरंच थंड पाणी प्यायल्यानं वजन वाढतं का? अलिकडेच, पोषणतज्ञ अमिता गद्रे यांनी तिच्या इंस्टाग्राम हँडलवर यावर स्पष्टिकरण दिलं आहे.
थंड पाणी आणि वजन वाढण्याबद्दल सत्य अमिता यांच्या मते, पाण्यामुळे वजन कमी होण्यास मदत होते, ज्यामध्ये शून्य कॅलरीज असतात. तसेच थंड पाणी प्यायल्यानंही वजन वाढत नाही. पोषणतज्ज्ञ सांगतात की, थंड पाणी पिण्याने तुमच्या चरबीच्या पेशी गोठणार नाहीत, जसे कोमट पाणी पिण्याने त्या वितळणार नाहीत. पुरेसे पाणी न मिळाल्यास तुम्हाला अस्वस्थ वाटू शकते आणि तुमच्या चयापचय प्रक्रियेवर परिणाम होऊ शकतो. तापमानाबद्दल जास्त विचार करण्यापेक्षा पुरेसे पाणी पिण्यावर लक्ष केंद्रित करण्याचा सल्ला देतात.
थंड पाणी आणि वजन वाढण्याबद्दल इतर सामान्य प्रश्न:
१. थंड पाणी पिणे तुमच्या पचनसंस्थेसाठी चांगले आहे का? खरंच नाही. थंड पाणी, इतर थंड पदार्थांप्रमाणे, तुमची पचनशक्ती (अग्नि) मंदावू शकते आणि तुमच्या पचनसंस्थेसाठी चांगले नाही. उत्तम पचनसंस्थेसाठी, कोमट पाणी पिणे चांगले.
२. दिवसातून किती पाणी प्यावे? सल्लागार पोषणतज्ञ रूपाली दत्ता यांच्या मते, शरीराच्या वजनाच्या प्रति किलो ३५ मिली पाणी पिण्याचे लक्ष्य ठेवा. हायड्रेटेड राहणे आणि स्वतःला चांगले वाटणे हे ध्येय आहे.
३. थंड पाण्याचा शरीरावर काही दुष्परिणाम होतो का? जास्त थंड पाणी पिल्याने पचनसंस्थेचे विकार, घसा खवखवणे किंवा काही प्रकरणांमध्ये डोकेदुखी देखील होऊ शकते. मात्र, हे दुष्परिणाम प्रत्येकावर होत नाहीत.
