घराबाहेरील तुळशीचं रोप वारंवार सुकते? करा ‘हे’ ४ उपाय, तुळस नेहमी दिसेल हिरवीगार

योग्य आकाराची कुंडी निवडा

तुम्ही ज्या कुंडीत तुळशीचे रोप लावणार ती कुंड फार लहान नसावी. पुष्कळ वेळा असे दिसून येते की, काही लोक केवळ पूजेच्या उद्देशाने तुळशीचे रोप एका लहान कुंडीत वाढवतात. अशाने तुळशीच्या रोपाला वाढण्यासाठी आवश्यक जागा मिळत नाही आणि त्याची वाढ खुंटते. तुळशीचे रोप लावण्यासाठी कमीत कमी १२ इंचाची कुंडी निवडावी.

रोपाची योग्य छाटणी करा

तुळशीच्या रोपाची योग्य वाढ होण्यासाठी आणि ते नेहमी भरीव दिसण्यासाठी योग्य वेळी योग्य पद्धतीने कटिंग करत राहा. तुळशीच्या रोपाला बिया किंवा मांजरी आल्यास लगेच कापून टाका. मांजरीमुळे झाडाची वाढ खुंटते. याशिवाय अतिरिक्त लांब फांद्याही कटिंग करा.

चांगली माती वापरा

तुळशीच्या रोपासाठी योग्य माती वापरावी लागेल, नाहीतर रोप वारंवार सुकू शकते. काहीवेळा मातीत केमिकल असते. यामुळे तुळशीची लागवड करताना ५०% बागेची माती आणि २०% वाळू असावी जेणेकरून जास्तीचे पाणी बाहेर जाणार नाही. . याशिवाय गांडूळ खत आणि सेंद्रिय खत देखील जमिनीत मिसळावे यामुळे रोपाची योग्य व नैसर्गिक वाढ होईल.

माती कडक होऊ देऊ नका

तुळशीच्या रोपाची योग्य वाढ होण्यासाठी त्याची माती जास्त घट्ट व कडक होण्यापासून टाळावी. म्हणूनच माती मधोमध मळून घ्यावी जेणेकरून पाणी जमिनीत व्यवस्थित शोषले जाईल. याशिवाय खतही पाण्यात विरघळवून रोपाच्या मधोमध टाकावे.