दूध, केळी व अंडी खाण्याचे शरीराला होतात ‘हे’ फायदे! परिणाम पाहून व्हाल चकित…

केळे हे नैसर्गिक ऊर्जावर्धक फळ आहे. त्यात नैसर्गिक साखर आहे, जी शरीराला त्वरित ऊर्जा मिळवून देते. त्याशिवाय तंतुमय घटकाचा चांगले स्रोत म्हणूनही केळी ओळखली जातात. हा घटक पचनसंस्थेसाठी उपयुक्त ठरतो. अंड्यामुळे शरीराला प्रोटीन मिळते, जे मांसपेशी घडविण्यासाठी अत्यंत आवश्यक आहे. अंड्यात व्हिटॅमिन डी, बी १२ आणि इतर खनिजेही असतात, हे घटक हाडे, मेंदू व डोळ्यांसाठी फायदेशीर आहेत. दुधाला संपूर्ण आहार म्हणून ओळखले जाते. लहान मुलांपासून ते वृद्धांपर्यंत सर्वांनाच दूध गरजेचे आहे. दुधात कॅल्शियम, प्रोटीन, पोटॅशियम आणि डी व ए ही व्हिटॅमिन्स असतात. जर हे तीनही आरोग्यदायी पदार्थ एकत्र घेतले, तर शरीराला अनेक फायदे मिळतात.

दूध आणि केळी एकत्र घेतल्याचे फायदे :

१. स्नायू पुनर्प्राप्ती: दुधातील प्रोटीन आणि कार्बोहायड्रेट्स मांसपेशींना आवश्यक ते पोषण देतात; तर केळ्यांमधील पोटॅशियममुळे स्नायूंमध्ये पेटके येणे किंवा स्नायू कडक होणे हा त्रास कमी करण्यास मदत मिळते.

२. वजन नियंत्रण: दूध आणि केळ्यांमुळे दीर्घकाळ पोट भरल्यासारखे वाटते. त्यामुळे अनावश्यक खाण्यापासून बचाव होतो आणि वजन नियंत्रित राहते.

३. एनर्जी वाढवते : केळ्यांमधील नैसर्गिक साखर आणि दुधातील कार्बोहायड्रेट्स त्वरित ऊर्जा पुरवतात.

दुधात कच्चा अंडे घालून सेवन केल्याचे फायदे :

१. प्रोटीनची कमतरता दूर होते : कच्च्या दुधाबरोबर अंडे घेतल्यास शरीरातील प्रोटीनची कमतरता पूर्ण होते आणि मांसपेशी मजबूत होतात.

२. सुरक्षित सेवन : दूध आणि अंड्याचे मिश्रण अँटीऑक्सिडंट्सने समृद्ध आहे. त्यामध्ये फोलेट, सेलेनियम आणि इतर पोषक घटक असतात, जे शरीरासाठी लाभदायक आहेत. मात्र, या मिश्रणाने तुम्हाला पचनाचा त्रास होत असल्यास, त्याचे सेवन थांबवणे आवश्यक आहे.

तज्ज्ञांच्या मते, रोजच्या आहारात दूध, केळी व अंडी यांचा समावेश केल्यास शरीराची ताकद, ऊर्जा आणि एकूणच आपले आरोग्य सुधारते. विशेषतः खेळाडू, विद्यार्थी आणि व्यग्र जीवन जगणाऱ्यांसाठी हे नैसर्गिक ऊर्जा देणारे पदार्थ अत्यंत महत्त्वाचे आहेत.